Madaniyat

"Mosfilm" bilan hamkorlik oʻzbek kinosiga nima beradi - Shaxnazarov

© Sputnik / Yevgeniy Odinokov / Fotobankka oʻtishKaren Shaxnazarov
Karen Shaxnazarov - Sputnik Oʻzbekiston, 1920, 04.04.2022
Obuna boʻlish
Yandex newsTelegram
MDH kinochilarining yangi uyushmasi umumiy universal filmlarning oltin kollektsiyasini shakllantiradi va ularni jahon tillariga dublyaj qilishga hissa qoʻshadi.
TOSHKENT, 4 apr – Sputnik. Oʻzbekiston MDH davlatlari va Gruziya bilan hamkorlikda oʻz kinostudiyalari uyushmasini tashkil qilishmoqda. Uyushma doirasida ijodiy jamoalar birgalikda filmlar suratga olishadi va oʻzlarining ilgʻor tajribalari bilan oʻrtoqlashadilar.
"Mosfilm" kinokontserni bosh direktori Karen Shaxnazarov Sputnik muxbiriga Rossiya kino sohasida oʻzbekistonlik hamkasblari bilan oʻz tajribasini baham koʻrishga tayyor ekanini taʼkidladi.

"Bizda yuqori toifali muhandis kadrlar mavjud, kino uchun zarur boʻlgan juda koʻp texnologik maʼlumotlar mavjud. Bularning barchasini sobiq Ittifoq respublikalari, jumladan, Oʻzbekistondagi hamkasblar bilan ham boʻlishishga tayyormiz", - dedi Shaxnazarov.

“MDH va Gruziya davlatlari kinostudiyalari xalqaro ijodiy uyushmasi”ning tashkil etilishi Dushanbeda kinematografiya sohasida hamkorlik boʻyicha kinostudiyalar direktorlar kengashida maʼlum boʻldi. "Belarusfilm" bosh direktori Vladimir Karachevskiyning fikricha, Oʻzbekiston xalqaro hamkorlikning ijobiy namunasidir.
Respublika kinematograflari Rossiya, Belarus, Qozogʻiston, Tojikiston kinostudiyalari bilan muvaffaqiyatli hamkorlik qilmoqda. Joriy yilda bir qancha qoʻshma filmlar suratga olinadi. Oʻzbekiston Kinematografiya agentligi bosh direktori Firdavs Abduxoliqov Xalqaro kinostudiyalar ijodiy uyushmasi raisi boʻladi. Maʼlumki, yangi ijodiy uyushma umumiy universal filmlarning oltin kollektsiyasini shakllantiradi va ularni jahon tillariga dublyaj qilishga hissa qoʻshadi.
Yangiliklar lentasi
0