Samarqandda veterinariya va chorvachilik universiteti tashkil qilindi

© Sputnik / Aleksandr Kondratuk / Mediabankka o‘tishChelyabinskaya veterinarnaya stansiya
Chelyabinskaya veterinarnaya stansiya - Sputnik O‘zbekiston, 1920, 04.04.2022
Obuna bo‘lish
Sohada 5-yillik stajga ega xodimlar ushbu universitetga tavsiyanoma asosida o‘qishga tavsiya etiladi va imtiyozli to‘lov-kontrakt asosida o‘qitiladi.
TOShKENT, 4 apr - Sputnik. Samarqand veterinariya meditsinasi instituti negizida Samarqand davlat veterinariya meditsinasi, chorvachilik va biotexnologiyalar universiteti tashkil etildi.
Bu haqida prezidentning 31-mart kuni qabul qilingan “Veterinariya va chorvachilik sohasida kadrlar tayyorlash tizimini tubdan takomillashtirish to‘g‘risida”gi 187-sonli qarorida aytib o‘tilgan.
Universitetda veterinariya, chorvachilik, biotexnologiya, agrotexnologiya, agroiqtisodiyot tarmoqlari uchun oliy ma’lumotli kadrlar tayyorlanadi, - deyilgan qaror matnida.
Undan tashqari prezident qarori bilan:
Qarshi irrigatsiya va agrotexnologiyalar institutida 2022/2023 o‘quv yilidan “Chorvachilik mahsulotlarini qayta ishlash texnologiyasi” ta’lim yo‘nalishida kadrlar tayyorlanadi.
Qamashi xizmat ko‘rsatish texnikumi negizida Qamashi veterinariya meditsinasi texnikumi tashkil etildi.
2022/2023 o‘quv yilidan veterinariya va biotexnologiya yo‘nalishlari uchun “El-yurt umidi” jamg‘armasidan har yili alohida kvota ajratiladi.
Shuningdek, universitetga sohada 5-yillik stajga ega xodimlar tavsiyanoma asosida o‘qishga tavsiya etilganda, to‘lov-kontrakt miqdori kunduzgi ta’lim yo‘nalishidagi to‘lov-kontrakt (stipendiyasiz) miqdoriga tenglashtiriladi.
Yangiliklar lentasi
0