Jamiyat

Hokimliklarga yoʻllarda radarlar oʻrnatish huquqi berildi

Radar - Sputnik Oʻzbekiston, 1920, 05.04.2022
Obuna boʻlish
Yandex newsTelegram
Qoidabuzarliklardan undirilgan uchun jarima summasining 30 foizi bevosita tuman (shahar) mahalliy byudjetiga yoʻnaltiriladi.
TOSHKENT, 5 apr — Sputnik. Oʻzbekistonda tuman (shahar) hokimliklariga oʻz hududlaridagi avtomobil yoʻllarida yoʻl harakati qoidalari buzilishini qayd etuvchi maxsus avtomatlashtirilgan foto va video dasturiy-texnik vositalarini oʻrnatish huquqi berildi. Bu prezident imzolagan “Avtomobil yoʻllarida inson xavfsizligini ishonchli taʼminlash va oʻlim holatlarini keskin kamaytirish chora-tadbirlari toʻgʻrisida”gi qarorda koʻzda tutilgan.
Mazkur dasturiy-texnik vositalar orqali qayd etilgan qoidabuzarliklar uchun jarima summasining 30 foizi bevosita tuman (shahar) mahalliy byudjetiga yoʻnaltiriladi.
Bu mablagʻlar yoʻl harakatini raqamlashtirish, yoʻl infratuzilmasini rivojlantirish, shuningdek, yoʻl-patrul xizmati xodimlarining qoʻshimcha shtatlarini kiritishga sarflanadi.
Ichki ishlar vazirligi Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklari bilan birgalikda bir oy muddatda transport va piyodalar oqimi, piyodalar bilan bogʻliq sodir etilgan yoʻl-transport hodisalarining tahlili asosida tumanlar va shaharlardagi aholi gavjum hududlarda piyodalar oʻtish joylariga piyodalar boshqaradigan svetoforlarni 2023 yil yakuniga qadar oʻrnatilishini nazarda tutuvchi manzilli dasturni tasdiqlaydi va ijrosini toʻliq taʼminlaydi.
YHXX faoliyatiga tadbirkorni jalb etish nima uchun kerak?
Eslatib oʻtamiz, tadbirkorlarga 2021 yil 1 martdan boshlab avtomobil yoʻllarida foto va video fiksatsiya vositalarini oʻrnatishga ruxsat berilgan.
2021−2022 yillarda respublika boʻyicha jami 3356 ta intellektual videokameralar va 763 ta statsionar radarlar, jumladan, Toshkent shahrida jami 2574 ta foto va video registratorlar oʻrnatilishi rejalashtirilgan.
Yangiliklar lentasi
0