Madaniyat

Oʻzbekiston va Rossiya hamkorligida film suratga olindi

© pexels.com/Terje SollieKinokamera krupnыm planom
Kinokamera krupnыm planom - Sputnik Oʻzbekiston, 1920, 05.04.2022
Obuna boʻlish
Yandex newsTelegram
“Parining sovgʻasi” nomli film 6 yoshdan oshgan bolalar uchun moʻljallangan boʻlib, ertak janrida suratga olingan.
TOSHKENT, 5 aprel — Sputnik. Oʻzbekiston va Rossiya hamkorligida "Parining sovgʻasi" nomli filmi suratga olindi. Bu haqida Kinematografiya agentligi xabar bermoqda.
Ushbu film Rossiyada xizmat koʻrsatgan artist Farhod Mahmudov rejissyorligida tasvirga olindi. Farhod Mahmudov Sputnik Oʻzbekiston muxbiriga maʼlum qilishicha, aktyorlarning aksariyati oʻzbekistonlik.
“Aktyorlarimning 90 foizi oʻzbeklar. Bundan tashqari, suratga olish davri kuchli lokdaun, pandemiyaga toʻgʻri keldi. Xivada suratga oldik. Toshkent va Xivada mehmonxonalar uchun ish oʻrinlari yaratdik, odamlar ommaviy sahnalarda ishtirok etishdi. Rossiyada xizmat koʻrsatgan artist Nikolay Dobrыnin ham filmda rol oʻynadi. Men ham suratga tushganman”,- deb qoʻshimcha qildi u.
Film Oʻzbekiston Kinematografiya agentligi va "VEGA" (Rossiya) kinokompaniyasining qoʻshma loyihasi hisoblanadi. “Parining sovgʻasi” 6 yoshdan oshgan bolalar uchun moʻljallangan boʻlib, ertak janrida suratga olingan.
Farhod Mahmudov aytishicha, Rossiya prokatlarida, ehtimol, film nomi oʻzgarishi mumkin. Rossiyalik tomoshabinlar uchun uning nomi “Podarok fei” boʻladi. Ammo Parining sovgʻasi - bu vaqtinchalik nom, prodyuserlik markazi bilan qaror qabul qilinmagan, shuning uchun oʻzgarishi mumkin.
Film ustida ishlash davom etmoqda va hozircha davom etmoqda va u Rossiya Madaniyat vazirligiga bahor oxirigacha topshiriladi. Shundan soʻng kartinani prokatchilar ham tomosha qilishadi. Umid qilamanki, film sentyabr oyining boshigacha kassada boʻladi”,- deydi Farhod Mahmudov
Maʼlumot oʻrnida, Farhod Mahmudov Toshkentda tugʻilgan, maktabni bitirgandan soʻng Moskvaga ketgan va “Brigada”, “Bechora Nastya”, “Margosha”, “Oshxona” va boshqalar seriallardagi rollari bilan tanilgan.
Aytish joizki, bir necha kun oldin Rossiya Davlat Dumasi madaniyat qoʻmitasi rahbarining birinchi oʻrinbosari Yelena Drapeko Rossiya kinoteatrlarida oʻzbek va MDHning boshqa davlatlarida suratga olingan filmlarini koʻrsatish taklifi bilan chiqqan edi. “Qozogʻiston, Oʻzbekistonning juda qiziqarli filmlari bor, ular koʻrsatishga arzirli” degan edi oʻshanda Yelena Drapeko.
Yangiliklar lentasi
0