Jamiyat

Oʻzbekistonda dinlarni birlashtiruvchi “Bagʻrikenglik bogʻi” tashkil etildi

© Press-slujba prezidenta UzbekistanaSostoyalos torjestvennoye otkrыtiye parka "Yangi Uzbekiston" i monumenta Nezavisimosti.
Sostoyalos torjestvennoye otkrыtiye parka Yangi Uzbekiston i monumenta Nezavisimosti. - Sputnik Oʻzbekiston, 1920, 05.04.2022
Obuna boʻlish
Yandex newsTelegram
Oʻzbekistonda jami 2 330 ta islomiy, nasroniy, yahudiy va diniy tashkilot adliya idoralari tomonidan davlat roʻyxatidan oʻtkazilgan.
TOSHKENT, 5 apr - Sputnik. Oʻzbekistonda “Bagʻrikenglik bogʻi” tashkil etildi, deb xabar qildi AOKAda oʻtkazilgan brifingda Din ishlari boʻyicha qoʻmita raisining birinchi oʻrinbosari Davronbek Maxsudov.
Bugun, 5 aprel kuni Yangi Oʻzbekiston bogʻida respublikamizdagi 16 ta diniy konfessiya vakillari ishtirokida “Bagʻrikenglik bogʻi” tashkil etildi, - deyilgan xabarda.
Anjumanda maʼlum qilinishiga koʻra, ushbu bogʻni tashkil qilishdan maqsad, nafaqat diniy bagʻrikenglik mavzusini targʻib qilish, undan tashqari atrof-muhitni himoya qilish, pokiza saqlashda hamda iqlim oʻzgarishi bilan bogʻliq global muammolar va fojialar qarshisida insoniyatning ojiz ekanini yana bir bor taʼkidlash va tabiat neʼmatlariga shukr qilib uni asrab-avaylashga turtki beradi.
Anjumanda shuningdek, Oʻzbekistonda turli din vakillari tinch totuv yashab kelayotgani ham taʼkidlab oʻtildi. Maʼlum boʻlishicha bugungi kunda respublikada jami 2 330 ta diniy tashkilot adliya idoralari tomonidan davlat roʻyxatidan oʻtkazilgan.
Ulardan 2 139 tasi islomiy, 174 tasi nasroniy, 8 tasi yahudiy, 6 tasi bahoiy jamoalari ekan. Shuningdek 1 ta krishnani anglash jamiyati, 1 ta buddaviylar ibodatxonasi va 1 ta Oʻzbekiston Bibliya jamiyati roʻyxatdan oʻtgan.
Yangiliklar lentasi
0