Sport

Toshkentda dzyudo boʻyicha anʼanaviy xalqaro turnir boshlanmoqda

Dzyudo - Sputnik Oʻzbekiston, 1920, 05.04.2022
Obuna boʻlish
Yandex newsTelegram
Osiyo ochiq kubogida 500 nafarga yaqin dzyudochilar tatamiga chiqishadi.
TOSHKENT, 5 apr — Sputnik. Bugun Toshkentda oʻsmirlar va yoshlar oʻrtasidagi dzyudo boʻyicha Osiyo ochiq kubogi musobaqasi boshlanadi. Bu haqda Oʻzbekiston milliy olimpiya qoʻmitasi xabar bermoqda.
“Universal” sport majmuasi 5-8 aprel kunlari Uchqun Murodov xotirasiga bagʻishlangan anʼanaviy xalqaro turnirga mezbonlik qiladi.
Musobaqalarda oʻzbekistonlik dzyudochilaridan tashqari Ozarbayjon, Gruziya, Tojikiston, Qirgʻiziston va Qozogʻiston davlatlaridan kelgan jami 500 nafarga yaqin isteʼdod egalari tatamiga chiqadi.
Bugun musobaqaning birinchi kuni qizlar -40, -44, -48, -52, -57, yigitlar esa -50, -55 va -60 kg vazn toifalarida gʻoliblik uchun kurash olib borishadi.
Har kuni saralash bellashuvlari soat 10:00, medallar uchun kechadigan final bahslari esa 17:00da boshlanadi.
Yangiliklar lentasi
0