Jamiyat

Yoʻllar harakat xavfsizligiga qarab uch rangdagi toifalarga ajratiladi

© Sputnik / Ramiz BaxtiyarovStrana belыx avtomobiley. Belыy tsvet bolshe otrajayet svet i menshe nagrevayetsya
Strana belыx avtomobiley. Belыy tsvet bolshe otrajayet svet i menshe nagrevayetsya - Sputnik Oʻzbekiston, 1920, 05.04.2022
Obuna boʻlish
Yandex newsTelegram
Hududlar yoʻllarda harakat xavfsizligini tashkil etishning holati koʻra "yashil", "sariq" va "qizil" toifalarga ajratiladi.
TOSHKENT, 5 apr — Sputnik. 2022 yil 1 iyuldan boshlab, respublikaning barcha tuman (shahar)lari kesimida "Xavfsiz yoʻl" indeksini yuritish amaliyoti yoʻlga qoʻyiladi.
Bu prezident imzolagan “Avtomobil yoʻllarida inson xavfsizligini ishonchli taʼminlash va oʻlim holatlarini keskin kamaytirish chora-tadbirlari toʻgʻrisida”gi qarorda nazarda tutilgan.
Indeks doirasida yoʻl infratuzilmasi va yoʻl harakati qoidalariga rioya qilinishining holati maxsus komissiyalar tomonidan 29 ta indikator boʻyicha har chorak yakunida baholab boriladi.
Tuman (shahar)lar indeks koʻrsatkichlari asosida yoʻllarda harakat xavfsizligini tashkil etishning holati koʻra "yashil", "sariq" va "qizil" toifalarga ajratiladi.
Indeksni yuritish vazifasi yoʻl harakati xavfsizligi boʻlinmalari zimmasiga yuklanadi.
Hukumat ikki oy muddatda yetakchi ilmiy tashkilotlar, olimlar va mutaxassislarni jalb qilgan holda, indeksni yuritish metodologiyasi ishlab chiqilishi va tasdiqlanishini taʼminlashi kerak.
Bundan tashqari, bosh vazir raisligida Yoʻl harakati xavfsizligini (YHX) taʼminlash boʻyicha respublika maxsus komissiyasi va uning hududiy maxsus komissiyalari tuziladi.
Maxsus komissiyalarning asosiy vazifalar:
YHX sohasida fuqarolarning hayoti va sogʻligʻini ishonchli himoya qilish, yoʻl infratuzilmasining xavfsizlik talablariga toʻliq javob berishini taʼminlash.
hududlarda yoʻl harakatini samarali tashkil etish holatini muntazam ravishda baholab borish, ushbu sohada davlat organlari va mahalliy hokimliklarning samarali faoliyat koʻrsatishini nazorat qilish;
yoʻl-transport hodisalari sabablarini chuqur oʻrganish, yoʻllarning xavfli avariya uchastkalari roʻyxatini tasdiqlash orqali kelgusida ularning oldini olish yuzasidan ilmiy asoslantirilgan takliflar tayyorlash tizimini yaratish;
YHX taʼminlash sohasiga zamonaviy axborot texnologiyalarini joriy etish, inson omili va korruptsiya holatlarini istisno etuvchi avtomatlashtirilgan nazorat tizimlarini ommalashtirishga doir tadbirlarni belgilash;
hududlarda yoʻl infratuzilmasini yaxshilash, yoʻl-transport hodisalarining sonini qisqartirish boʻyicha dasturlar loyihalari ishlab chiqilishini tashkillashtirish va kelishish.
Komissiya har chorakda davlat organlari va mahalliy hokimliklar tomonidan yoʻl harakati xavfsizligini taʼminlash sohasida amalga oshirilayotgan ishlarni, mavjud kamchiliklarni tanqidiy muhokama qiladi va tegishli choralar koʻradi.
Har yili mahalliy hokimliklarning oʻz hududlarida avtomobil yoʻllari infratuzilmasini takomillashtirish va yoʻl-transport hodisalarini keskin kamaytirish boʻyicha aniq mexanizmlarni nazarda tutuvchi manzilli chora-tadbirlarini oʻz ichiga olgan “yoʻl xarita”larini tasdiqlab, ularning ijrosi ustidan qatʼiy nazorat olib boradi.
Yangiliklar lentasi
0