Hodisalar

Chilonzordagi “zapravka”da toksik moddadan zaharlanib, hushini yoʻqotgan ishchilar qutqarildi

© Sputnik / Ramiz BaxtiyarovMashina skoroy pomoщi
Mashina skoroy pomoщi - Sputnik Oʻzbekiston, 1920, 06.04.2022
Obuna boʻlish
Yandex newsTelegram
Ishchilar AYOQSH hududi yer ostiga koʻmilgan benzin yoqilgʻisi saqlanayotgan tsisternalar orasida yigʻilib qolgan yengil yonuvchan suyuqlikning kuchli kontsentratsiyasidan hushlarini yoʻqotishgan.
TOSHKENT, 6 apr — Sputnik. Toshkent shahri Chilonzor tumanidagi avtomobillarga yoqilgʻi quyish shoxobchasida toksik moddadan zaharlanib, hushini yoʻqotgan xodimlar qutqarildi. Bu haqda Favqulodda vaziyatlar vazirligi (FVV) xabar bermoqda.
Maʼlum qilinishicha, 5 aprel kuni soat 19:20 da Toshkent shahar FVBga tumandagi Al-Xorazmiy koʻchasida joylashgan AYOQShda 3 nafar xodim benzin yoqilgʻisi saqlanayotgan tsisternalar oraligʻidan hushsiz holda yotganligi boʻyicha tashvishli xabar kelib tushgan. Qutqaruvchilar zudlik bilan voqea joyiga yetib borib, hushsiz yotgan xodimlarni xavfli hududdan olib chiqishgan.
Birinchi yordam koʻrsatilgandan keyin, ular Tez tibbiy yordam xizmati xodimlariga topshirilgan. Ayni vaqtda toksik moddadan zaharlangan ishchilar Respublika shoshilinch tibbiy yordam ilmiy markazi toksikologiya boʻlimiga joylashtirilgan.
Voqea sababi oʻrganilganda, ular AYOQSH hududi yer ostiga koʻmilgan 3 dona, har biri katta sigʻimli benzin yoqilgʻisi saqlanayotgan tsisternalar orasida yigʻilib qolgan yengil yonuvchan suyuqlikning (benzin) kuchli kontsentratsiyasidan hushlarini yoʻqotganligi aniqlangan.
Qoʻqonda besh kishi nomaʼlum moddadan zaharlanib vafot etdi
Xabarda aytilishicha, voqea joyiga Chilonzor tuman FVB boshligʻi rahbarligida 3 ta qutqaruv ekipajlari 15 nafar shaxsiy tarkibi, tuman prokuraturasi, IIB tezkor tergov guruhi va SSB xodimlari chiqishgan.
Mazkur holat yuzasidan dastlabki tergovoldi surishtiruv ishlari olib borilmoqda.
Yangiliklar lentasi
0