Jamiyat

Eng namunali oʻquvchining ota-onasi ragʻbatlantiriladi

© Sputnik / Vitaliy Belousov / Fotobankka oʻtishUrok russkogo yazыka
Urok russkogo yazыka - Sputnik Oʻzbekiston, 1920, 06.04.2022
Obuna boʻlish
Yandex newsTelegram
Prezident eng namunali ota-onalarni ragʻbatlantirish, maktablarning kompyuter sinflarini yangilash va internet tezligini oshirish vazifasini qoʻydi.
TOSHKENT, 6 apr — Sputnik. Maktablarda namunali oʻquvchining ota-onasiga minnatdorchilik xati va sovgʻalar topshirib borish tizimli yoʻlga qoʻyiladi. Bu haqda prezident Shavkat Mirziyoyev taʼlim sohasiga bagʻishlangan yigʻilishda maʼlum qildi.
Yigʻilishda namunali oʻquvchining ota-onasiga minnatdorchilik xati va sovgʻalar topshirib borishni tizimli yoʻlga qoʻyish kerakligi, har chorakda eng namunali ota-onalarni ragʻbatlantirib, ommaviy axborot vositalarida keng yoritib borish muhimligi taʼkidlandi.
Viloyat hokimlariga yuqori koeffitsiyentli 120 ta maktabda oʻqish sharoitini yaxshilash boʻyicha aniq chora-tadbirlarni belgilash topshirildi.
Ular 1 avgustga qadar 960 ta maktabni kompyuter sinfi bilan taʼminlash, 740 tasini jihozlash ishlarini yakunlashi kerakligi koʻrsatib oʻtildi.
Umuman, 5,5 mingta kompyuter sinflarini yangilash boʻyicha alohida dastur qabul qilinadi.
Bunga respublika byudjetidan 200 milliard soʻm, mahalliy byudjetlardan ham 200 milliard soʻm yoʻnaltiriladi.
Shuningdek, mutasaddilarga maktablar uchun alohida imtiyozli tariflarni tasdiqlash topshirildi. Unga koʻra, yangi oʻquv yilidan boshlab kichik maktablarda internet tezligini sekundiga 40 Megabit, katta maktablarda esa kamida 100 Megabit boʻlishi taʼminlanadi.

Mavzuga oid:

Prezident: maktab oʻqituvchilarni qayta tayyorlash boʻyicha umummilliy loyiha boshlanadi
Maktab direktorlari yangi tizim boʻyicha tanlanadi
Yangiliklar lentasi
0