Migratsiya

Moskvadagi vatandoshlar ishtirokidagi mojaroli vaziyat nazoratga olindi – elchixona

© SputnikPosolstvo Uzbekistana v Rossii
Posolstvo Uzbekistana v Rossii - Sputnik Oʻzbekiston, 1920, 06.04.2022
Obuna boʻlish
Yandex newsTelegram
Moskvada Oʻzbekiston va Tojikiston fuqarolari oʻrtasida mojaro yuzaga keldi. Hibsga olinganlar "mayda bezorilik" moddasi bilan maʼmuriy javobgarlikka tortilgan.
TOSHKENT, 6 apr — Sputnik. Oʻzbekistonning Rossiyadagi elchixonasi Moskvada mamlakat va Tojikiston fuqarolari oʻrtasida yuzaga kelgan mojaroli vaziyatni nazoratga oldi va Rossiyaning tegishli tuzilmalari bilan aloqada boʻlib turibdi. Bu haqda “Dunyo” AA elchixona bayonotiga tayangan holda xabar bermoqda.
Diplomatik missiya maʼlumotiga koʻra, 1 aprel kuni mahalliy vaqt bilan soat 9:00 da politsiya Shelepixinskaya naberejnayada joylashgan 34/7-uy hududida fuqarolar oʻrtasida yuzaga kelgan mojaro haqida xabar olgan.
Voqea joyiga zudlik bilan yetib kelgan politsiya xodimlari ehtimoliy noqonuniy xatti-harakatlarning oldini olgan. Jabr koʻrganlar yoʻq. Mojaro ishtirokchilari surishtiruv ishlarini oʻtkazish uchun hududiy ichki ishlar boʻlimiga olib kelingan. Ushbu mojaro maishiy sabablar tufayli yuzaga kelgan, deya taʼkidlamoqda konsullik boʻlimi vakillari.
Hibsga olinganlar "mayda bezorilik" moddasi bilan maʼmuriy javobgarlikka tortilgan. Sud organlari fuqarolarni maʼmuriy hibsga olish toʻgʻrisida qaror qabul qilgan. Ichki ishlar xodimlari sudga huquqbuzarlarni Rossiya hududidan chiqarib yuborishga oid hujjatlar tayyorlamoqda.
Oʻzbekiston va Tojikiston migratsiya sohasida hamkorlik qilishga kelishib oldi
Elchixona OAV xabarlarida mojaroda 120 ga yaqin kishi ishtirok etgani toʻgʻrisida tarqatilgan maʼlumotlar haqiqatga toʻgʻri kelmasligini maʼlum qilgan. Chunki bir guruh shaxslar yaqin atrofda boʻlib, mojaroni kuzatib turgan.
Yangiliklar lentasi
0