Iqtisod

"Oʻzcharmsanoat" Rossiya bilan qoʻshma korxona tashkil qiladi

© Sputnik / PetruhinObuv sovetskogo proizvodstva nachala 80-x.
Obuv sovetskogo proizvodstva nachala 80-x. - Sputnik Oʻzbekiston, 1920, 06.04.2022
Obuna boʻlish
Yandex newsTelegram
Poyabzal mahsulotlarini ishlab chiqaruvchi Rossiya va Oʻzbekiston qoʻshma korxonasi tashkil etilishi kutilmoqda
TOSHKENT, 6 apr — Sputnik. Oʻzbekiston va Rossiya korxonalari poyabzal ishlab chiqarish boʻyicha Oʻzbekistonda qoʻshma korxona tashkil etish imkoniyatlarini koʻrib chiqishdi. Bu haqda "Oʻzcharmsanoat" uyushmasi xabar bermoqda.
"Oʻzcharmsanoat" uyushmasida Rossiya Federatsiyasining Oʻzbekistondagi Savdo vakolatxonasi koʻmagida Rossiyaning "Avanti" MCHJ kompaniyasi rahbariyati bilan onlayn uchrashuv boʻlib oʻtdi. Muzokaralarda asosiy eʼtibor Oʻzbekiston korxonalarida ishlab chiqarilgan mahsulotlarini Rossiyaga eksport qilish masalasiga qaratildi.
Oʻzbekiston charm-poyabzal sanoatida faoliyat olib borayotgan kompaniyalar vakillari xorijlik hamkorlarga oʻz korxonalarining imkoniyatlari, ishlab chiqarilayotgan mahsulotlar assortimenti haqida maʼlumot berishdi.
“Rossiya korxonasi mahalliy ishlab chiqaruvchilar, uning ishlab chiqarish salohiyati bilan yaqindan tanishtirildi. Zarur mahsulotlarni Oʻzbekistondan import qilish boʻyicha takliflar ilgari surdi. Ular orasida poyabzal ustki qismi uchun blankalar, kanvas kabi toʻqimachilik mahsulotlari mavjud”, deyiladi xabarda.
Uchrashuvda Rossiyalik hamkorlar Oʻzbekiston korxonalari bilan hamkorlik qilish niyatida ekanliklarini bildirdi. Rossiyada ishlab chiqarish uchun xomashyo va materiallarni xarid qilish, ustki qismlar uchun blankalar tikishga buyurtmalar berish va Oʻzbekistonda qoʻshma korxona tashkil etish imkoniyatlari koʻrib chiqildi.
Xabarda aytilishicha, tomonlar hamkorlikni yoʻlga qoʻyishga kelishib oldilar. "Oʻzcharmsanoat" uyushmasi va Rossiya tomoni kelgusidagi hamkorlik muloqotini 25-27 may kunlari Toshkentda boʻlib oʻtadigan "UzCharmExpo 2022" xalqaro koʻrgazmasi doirasida davom ettiradi.
Maʼlumot uchun, Rossiyaning "Avanti" kompaniyasi 18 yildan buyon Rossiya bozori uchun sport va xoreografiya poyabzallarini ishlab chiqaradi. Tayyor mahsulotlarni yetkazib berish yirik chakana savdo tarmoqlarida amalga oshiriladi, shuningdek, kompaniya Ozon va Wildberries bozorlariga toʻgʻridan-toʻgʻri kirish imkoniyatiga ega.
Yangiliklar lentasi
0