Turizm

Avstraliya nashri Oʻzbekistonga tashrif buyurishni tavsiya qilmoqda

© Sputnik / Mariya NaumenkoNa territorii kreposti Ichan-Kala v Xive
Na territorii kreposti Ichan-Kala v Xive - Sputnik Oʻzbekiston, 1920, 07.04.2022
Obuna boʻlish
Yandex newsTelegram
Oʻzbekiston kam xarajat evaziga “sarguzashtli sayohat” turkumi doirasida tashrif buyurishga arziydigan davlatlar roʻyxatiga kiritilgan.
TOSHKENT, 7 apr — Sputnik. Avstraliyaning Lonely Planet nashriOʻzbekistonni may oyida kam xarajat evaziga “sarguzashtli sayohat” turkumi doirasida tashrif buyurishga arziydigan davlatlar roʻyxatiga kiritdi. Roʻyxatdan Samarqand, Buxoro va Xiva oʻrin olgan.
“Ajoyib ob-havoda Ipak yoʻli karvonsaroyini tomosha qiling. Ipak yoʻli. Ziravorlar. Ming yillar davomida Markaziy Osiyoning madaniy yuragi boʻlgan bu yerga sayohat qilishda shubhasiz romantik hislarni tuyish mumkin. Bu, ayniqsa, mozaik maqbaralar, masjid va madrasalar bilan jilvalanayotgan Oʻzbekistonning uchta tarixiy shahri – Samarqand, Buxoro va Xivaga taalluqlidir”, - deyiladi xabarda.
Maqolada may oyining oxirida Buxoroda boʻlib oʻtadigan “Ipak va ziravorlar festivali” oʻzining gilamdoʻzlari, yogʻoch oʻymakorlari, sozandalar va rassomlar ijodi mahsulotlari bilan mashhurlari urgʻulangan.
“Darhaqiqat, may Oʻzbekistonga tashrif buyurish uchun eng zoʻr oydir. Mamlakat ob-havosi diqqatga sazovor joylarini tomosha qilish uchun qulay sharoit yaratib, lola va oʻrik gullari esa manzarani yanada jonlantiradi”, - deya xulosa qilishgan mualliflar.
“Lonely Planet” – xalqaro nashriyot kompaniyasi boʻlib, 1972-yilda Avstraliyada tashkil etilgan. U kam xarajatli sayohatlar boʻyicha maxsus qoʻllanmalar ishlab chiqarishga ixtisoslashgan birinchi rasmiy nashriyotlardan biri hisoblanadi.
Oʻzbekiston Turizm va madaniy meros vazirligi huzuridagi Jahon sayyohlik tashkiloti vakolatxonasi maslahatchisi Shuhrat Isoqulov Sputnik muxbiriga mamlakat Rossiyadan kelayotgan sayyohlar sonini ham oshirish rejalashtirayotganini maʼlum qilgan edi.
Uning soʻzlariga koʻra, 2019 yilda Oʻzbekistonga Rossiyadan 480 ming rossiyalik sayyoh kelgan. Bu koʻrsatkich yanada oshirish va 1,5 million nafarga yetkazish rejalashtirilgan.
Ayni damda Oʻzbekistonda turizm sektori rossiyalik sayyohlarning ehtiyojlariga moslashishga harakat qilmoqda, ularning asosiy afzalligi all-inclusive shaklidir.
Oʻzbekiston turizmi gurkirab rivojlanishi bashorat qilinmoqda
Yangiliklar lentasi
0