Situatsiya na granitse Krыma s Ukrainoy - Sputnik Oʻzbekiston, 1920, 24.02.2022
Rossiyaning Donbassdagi maxsus harbiy operatsiyasi
Rossiya 21 fevral kuni Donetsk va Lugansk xalq respublikalarini tan olishini eʼlon qildi, 24 fevral kuni esa Vladimir Putin Donbassda maxsus harbiy operatsiya boshlanganini maʼlum qildi. Rossiya Mudofaa vazirligi Ukraina harbiy infratuzilmasiga, xususan qurol-yarogʻ omborlari va aerodromlarga zarba berdi.

Ukraina Rossiya bilan muzokaralarni choʻzish va hatto barbod qilishga urinmoqda – Lavrov

© Sputnik / Press-slujba MID RF / Fotobankka oʻtishMinistr inostrannыx del RF Sergey Lavrov
Ministr inostrannыx del RF Sergey Lavrov - Sputnik Oʻzbekiston, 1920, 07.04.2022
Obuna boʻlish
Yandex newsTelegram
Ukraina kuni kecha oʻzining Rossiya bilan bitim loyihasini taqdim etgan. Unda Istanbuldagi uchrashuvda qayd etilgan takliflardan chetga chiqish joylari bor.
TOSHKENT, 7 apr — Sputnik. Ukraina Rossiya bilan muzokaralarni choʻzish va ularning borishini barbod qilishga urinmoqda. Bu haqda Rossiya tashqi ishlar vaziri Sergey Lavrov maʼlum qildi.
Uning soʻzlariga koʻra, Kiyev Ukrainani jangovar harakatlarni davom ettirishga undayotgan Vashington va uning ittifoqchilari tomonidan nazorat qilinmoqda.

“Kelisha olmaslik qobiliyati yana bir bor Kiyevning haqiqiy niyatlari, uning erishilayotgan tushunishlardan qaytish orqali muzokaralarni choʻzish va hatto barbod qilishiga urinishini yaqqol koʻrsatadi. Kiyev rejimi prezident Zelenskiyning jangovar harakatlarni davom ettirishga undayotgan Vashington va uning ittifoqchilari tomonidan nazorat qilinmoqda”, - dedi Lavrov.

Rossiya TIV rahbari Ukraina kuni kecha oʻzining Rossiya bilan bitim loyihasini taqdim etganini maʼlum qildi. Unda Istanbuldagi uchrashuvda qayd etilgan takliflardan chetga chiqish yaqqol koʻrinib turibdi.
Lavrovning soʻzlariga koʻra, Ukraina ilgari xavfsizlik kafolatlari Qrimga taalluqli boʻlmasligiga rozilik bildirgan, biroq shartnomaning yangi versiyada bu band tushirib qoldirilgan, oʻrniga esa tushunarsiz noaniq jumlalar bitilgan.
Bundan tashqari, Ukraina Qrim va Donbass masalasini prezidentlar uchrashuvida muhokama qilishni taklif qilmoqda. Bu qabul qilib boʻlmaydigan shartlar, deydi Lavrov. Kreml bir necha bor prezidentlar Vladimir Putin va Vladimir Zelenskiyning uchrashuv bitimning yozma shakli kelishilganidan keyin mumkinligini aytgan.
“Bu igʻvolarga qaramasdan, Rossiya delegatsiyasi unda bizning barcha asosiy pozitsiyalarimiz va talablarimiz aniq va toʻliq bayon qilingan bitim loyihamizni taklif qilib, muzokaralarni davom ettiradi”, - dedi Lavrov.
Rossiya va Ukraina delegatsiyalari oʻrtasidagi navbatdagi muzokaralar 29 mart kuni Istanbulda boʻlib oʻtgan edi. Unda tomonlar muzokaralarda oldinga siljish borligini qayd etishgan edi.
Yangiliklar lentasi
0