Iqtisod

Rossiyada banklarga naqd valyuta sotishga ruxsat berildi

© Sputnik / Vladimir TrefilovDenejnыe kupyurы
Denejnыe kupyurы - Sputnik Oʻzbekiston, 1920, 09.04.2022
Obuna boʻlish
Yandex newsTelegram
Moskva valyuta birjasida dollar narxi kuzdan buyon eng past qiymatga tushdi. Bugun dollar – 71 rubl, yevro – 77,08 rubldan sotilmoqda.
TOSHKENT, 9 apr - Sputnik. Rossiya Markaziy banki 18 apreldan boshlab xususiy shaxslarga naqd valyutani sotishga ruxsat berdi, lekin faqat 9 apreldan soʻng bank kassalariga kirgan valyutani, deb xabar qilmoqda RIA Novosti.
“Banklar 2022 yil 18 apreldan 9 sentyabrgacha fuqarolarga naqd valyuta sotish huquqiga ega boʻladi, faqat 2022 yil 9 apreldan boshlab bank kassalariga kirgan valyutani”, — deyiladi regulyator materiallarida.
Shuningdek, 2022 yil 9 martga qadar xorijiy valyutada ochilgan hisob raqamlari yoki omonatlariga ega boʻlgan fuqarolar oʻz hisobvaraqlaridan 11 apreldan boshlab naqd valyuta yechib olishlari mumkin boʻladi. Yechib olishning umumiy limiti – oʻn ming dollar yoki ularning yevrodagi ekvivalenti – saqlanib qoladi. Ushbu limit 9 sentyabrgacha amal qiladi, — deyilgan Markaziy bank xabarida.
Regulyator fuqarolar hali ham vaqtinchalik cheklovlar davomida valyuta hisobvaraqlaridan limitdan oshib ketgan mablagʻlarni rublda yechib olishlari mumkinlinini eslatib qoʻygan.
Konvertatsiya, agar kerak boʻlsa, bankning kursi boʻyicha amalga oshiriladi, ammo chiqarilgan summa Rossiya Bankining chiqarilgan kundagi rasmiy kursidan foydalangan holda hisoblangan summadan kam boʻlishi mumkin emas.
Maʼlumot uchun, Moskva valyuta birjasida bugungi savdolarda rublning dollarga nisbatan kursi kuzdan beri kuzatilgan minimal darajaga tushgan 1 dollar – 71 rublga, 1 yevro – 77,08 rubl.
Eslatib oʻtamiz, Gʻarb sanktsiyalari oqibatida valyuta kurslari keskin oʻzgarishi boshlagan vaqtida, Rossiya Markaziy banki 2022 yilning 8 martidan 9 sentyabriga qadar fuqarolarning hisob raqamlaridan valyuta yechib olishga 10 ming dollar miqdorida cheklov kiritgan edi. Undan tashqari Rossiya banki valyuta ayirboshlash operatsiyalariga ham dastlab 30%, keyinroq 12% komissiya kiritgan edi. Ushbu cheklov valyuta bozorida olib-sotarlik operatsiyalarining oldini olishga qaratilgan.
Yangiliklar lentasi
0