Iqtisod

Davlat korxonalariga asosiy faoliyatiga xos boʻlmagan obʼyektlarni sotib olishi taqiqlandi

© Depositphotos / AndrewLozovyiObrezannыy obraz biznesmena, chitayuщego dokumentы
Obrezannыy obraz biznesmena, chitayuщego dokumentы - Sputnik Oʻzbekiston, 1920, 11.04.2022
Obuna boʻlish
Yandex newsTelegram
Davlat ishtirokidagi korxonalarga prezident va Hukumat qarorlarida nazarda tutilmagan faoliyatiga xos boʻlmagan yangi obʼyektlarni sotib olish yoki qurish taqiqlanadi.
TOSHKENT, 11 apr — Sputnik. Oʻzbekistonda Davlat korxonalariga asosiy faoliyatiga xos boʻlmagan obʼyektlarni sotib olishi taqiqlandi. Bu prezident 8 aprel kuni imzolagan 101-sonli farmonda belgilab qoʻyilgan.
Farmonga koʻra, 2022 yil 1 iyuldan davlat ishtirokidagi korxonalar kuzatuv kengashi aʼzolarini ragʻbatlantirish va ijro organi aʼzolariga haq toʻlashda yagona ragʻbatlantirish siyosati joriy etiladi.
Bunda, ijro organi aʼzolariga ish haqi va yil boʻyicha biryoʻla toʻlanadigan mukofotdan tashqari har qanday qoʻshimcha toʻlov bekor qilindi.
Davlat ishtirokidagi korxonalarga prezident va Hukumat qarorlarida nazarda tutilmagan hollarda quyidagilar taqiqlanadi:
faoliyatiga xos boʻlmagan yangi obʼyektlarni sotib olish yoki qurish;
raqobat rivojlangan sohada faoliyatidan tashqari qoʻshimcha faoliyat bilan shugʻullanish;
faoliyatiga xos boʻlmagan xoʻjalik jamiyatlari ustav kapitalida ishtirok etish yoki undagi ulushni sotib olish.
Davlat ishtirokidagi korxonalar va davlat ulushi 50 foiz va undan koʻp boʻlgan banklar tomonidan mulkni sotish, boshqa korxonaga investitsiya kiritish kelishuvlari majburiy tarzda korxonalar kuzatuv kengashi bilan kelishiladi.
Davlat korxonalarining homiylikka sarflanadigan har yilgi xarajatlari oʻtgan yilda olingan sof foydaning 3 foizidan oshmasligi kerak.
Yangiliklar lentasi
0