Iqtisod

MB: banklar mijozlar kartalaridan noqonuniy mablagʻ yechib olishgan

© Sputnik / Grigoriy Sыsoyev / Fotobankka oʻtishBankovskiye kartы mejdunarodnыx platejnыx sistem VISA i MasterCard
Bankovskiye kartы mejdunarodnыx platejnыx sistem VISA i MasterCard - Sputnik Oʻzbekiston, 1920, 11.04.2022
Obuna boʻlish
Yandex newsTelegram
Mijozlar kartalaridan noqonuniy mablagʻ yechib olish amaliyotini yoʻlga qoʻygan "Davrbank"ka sanktsiya qoʻllanildi.
TOSHKENT, 11 apr — Sputnik. Markaziy bank (MB) fuqarolarning bank kartasidagi pullar ularning ruxsatisiz yechib olingani kuzatilganini maʼlum qildi.
MB bank xizmatlari isteʼmolchilarining huquqlarini himoya qilish xizmatiga kelib tushgan murojaatlarni oʻrgangan. Unda kafil yoki birgalikda qarz oluvchi hisoblanmagan fuqarolarning bank kartalari qonun hujjatlariga rioya qilinmagan holda ularning roziligisiz tijorat banki tomonidan jismoniy shaxslarga ajratilgan kredit qarzdorligini soʻndirish uchun biriktirilib, mablagʻlar yechib olish amaliyoti yoʻlga qoʻyilganligi aniqlangan.
Bunday amaliyotni yoʻlga qoʻygan “Davrbank”ka nisbatan belgilangan tartibda jarima sanktsiyasi qoʻllangan. Bankka bu amaliyotga chek qoʻyish va fuqarolarga mablagʻlarni qaytarib berish majburiyati yuklangan.
Bank xizmatlari isteʼmolchilarining huquqlarini himoya qilish xizmati banklarni kredit qarzdorliklarni uchinchi shaxslar hisobidan soʻndirishda amaldagi qonun hujjatlari talablariga rioya qilishga chaqirgan. “Banklar va bank faoliyati toʻgʻrisida”gi qonunning 57-moddasida bank xizmatlari isteʼmolchilarining huquqlari va qonuniy manfaatlarini buzganlik uchun javobgarlik belgilanganligi eslatilgan.
MB shunga oʻxshash holotga duch kelinganda xizmatga yozma ravishda yoki (71) 212-60-15, (71) 212-73-80, (71) 212-60-94 telefon raqamlari orqali murojaat qilishni soʻragan.
Yangiliklar lentasi
0