Madaniyat

Samarqanddagi “Bahodir Yalangtoʻshbiy” masjidi yangitdan quriladi

© Foto: Madaniy meros agentligi"Bahodir Yalangtoʻshbiy" masjidi
Bahodir Yalangtoʻshbiy masjidi  - Sputnik Oʻzbekiston, 1920, 11.04.2022
Obuna boʻlish
Yandex newsTelegram
Kelajakda tarixiy obidadan turizm obʼyekti sifatida foydalanish rejalashtirilgan
TOSHKENT, 11 apr — Sputnik. Samaqand viloyati Oqdaryo tumanidagi “Bahodir Yalangtoʻshbiy masjidi” restavratsiya qilinib, Bahodir Yalangtoʻshbiy shaxsi haqida kino olinadi. Bu haqda Madaniy meros agentligi maʼlum qildi.
Avvalroq ijtimoiy tarmoqlarda “Bahodir Yalangtoʻshbiy masjidi” yuzasidan tanqidiy fikr bildirilgan edi.
Agentlik xabariga koʻra, ayni vaqtda “Bahodir Yalangtoʻshbiy masjidi”ni saqlab qolish chora-tadbirlari koʻrilmoqda. Xususan, “Samarqand viloyatini 2022–2026 yillarda ijtimoiy-iqtisodiy rivojlantirish Dasturi” tasdiqlangan boʻlib, Dasturning 2023 yilga moʻljallangan qismida “Bahodir Yalangtoʻshbiy masjidi”ni restavratsiya qilish hamda Bahodir Yalangtoʻshbiy shaxsi haqida kino olish belgilangan.
Samarqand madaniy meros boshqarmasi masjidni restavratsiya qilish yuzasidan loyiha-taklifini ishlab chiqib, Madaniy meros agentligi Ilmiy-ekspert Kengashiga taqdim etgan.
Kelajakda “Bahodir Yalangtoʻshbiy” masjidi binosidan turizm obʼyekti sifatida foydalanish rejalashtirilgan.
Ushbu tarixiy obida moddiy madaniy meros koʻchmas mulk obʼyekti xisoblanib, Vazirlar Mahkamasining 846-sonli qarori bilan Milliy roʻyxatga kiritilgan.
“Mazkur masjid binosi darhaqiqat ogʻir ahvolda, ammo u ijtimoiy tarmoqda keltirilganidek Bahodir Yalangtoʻshbiy (1578-1656 yy.) tomonidan qurdirilmagan boʻlib, XIX–XX asrlar oraligʻida tiklangan va Bahodir Yalangtoʻshbiyning nomini abadiylashtirish maqsadida masjidga uning nomi berilgan”, - deyiladi xabarda.
Masjid XX asrning 20 yillarigacha faoliyat koʻrsatgan. Shu davrdan eʼtiboran sobiq mustabid tuzum tomonidan diniy qadriyatlar toptalib, masjid faoliyati toʻxtatilgan va omborxonaga aylantirilgan.
Mahalliy nuroniy oqsoqollar tomonidan ogʻzaki maʼlumot berilishicha, Qatagʻon yillari (1932-1938 yy.) oraligʻida masjid binosiga oʻt (yongʻin) ketgan va obʼyekt oʻz holiga tashlab qoʻyilgan. Bugungi kunda obʼyektning saqlanishi avariya holatiga kelib qolgan.
Eslatib oʻtamiz, 2022 yilda turizm va madaniy meros obʼyektlari infratuzilmasini rivojlantirish boʻyicha loyihalar roʻyxati tasdiqlangan edi. Unga koʻra, turizm obʼyektlarining muhandislik-kommunikatsiya tarmoqlarini yaxshilash, madaniy meros obʼyektlarini restavratsiya, konservatsiya qilish va obodonlashtirish hamda madaniy-koʻngilochar infratuzilmalarni rivojlantirishga 262,8 mlrd soʻm ajratiladi.
Yangiliklar lentasi
0