Jamiyat

Sud ekspertizasi toʻgʻrisidagi qonun qanday oʻzgaradi - tafsilotlar

© Pixabay / MiamiAccidentLawyerZakon advokat spravedlivost
Zakon advokat spravedlivost - Sputnik Oʻzbekiston, 1920, 11.04.2022
Obuna boʻlish
Yandex newsTelegram
“Sud ekspertizasi toʻgʻrisida”gi qonun loyihasi jamoatchilik muhokamasiga qoʻyildi
TOSHKENT, 11 apr — Sputnik. Adliya vazirligi yangi tahrirdagi “Sud ekspertizasi toʻgʻrisida”gi qonun loyihasini ishlab chiqdi va jamoatchilik muhokamasiga qoʻydi.
Loyiha bilan amaldagi qonunga bir qator yangi moddalar va qoʻshimchalar kiritish nazarda tutilmoqda.
Loyihada sud ekspertining kasb etikasi qoidalari, maxsus bilimlar, mutaxassis fikri, validasiya, nodavlat sud-ekspertiza tashkiloti, xususiy sud eksperti, sud eksperti attestatsiyasi, sud-ekspertiza muassasalari (tashkilotlari) va sud ekspertlarining davlat reyestri hamda sud eksperti qasamyodi kabilar belgilanmoqda.
Shuningdek, ilmiy faoliyat bilan shugʻullanuvchi muassasa (tashkilot) oʻz faoliyat yoʻnalishi boʻyicha ekspertlik faoliyatini amalga oshirishi hamda sud-ekspertlik faoliyatini amalga oshiruvchi boshqa tashkilotlar mutaxassislarining huquqiy maqomlari qonun bilan mustahkamlanmoqda.
Hujjat loyihasida ekspertlarning noqonuniy harakatlari bilan bogʻliq holatlar adolatli va xolis koʻrib chiqilishini taʼminlash masalasi ham oʻrin olgan. Unga koʻra, qaror loyihasi qabul qilinsa davlat sud-ekspertiza muassasalari huzuridagi malaka komissiyasi hamda nodavlat sud-ekspertiza tashkilotlari sud ekspertlari va xususiy sud ekspertlari malaka komissiyalari tashkil etiladi.
Shu bilan birga, hujjatda kelgusida sud ekspertizasi sohasida manfaatlar toʻqnashuvi yuzaga kelishini oldini olish maqsadida sud ekspertiga ish materiallari yuzasidan ekspertiza oʻtkazishga doir cheklovlar qayd etilmoqda.
Viloyatlarda Odam DNKsi ekspertizasi yoʻlga qoʻyiladi
Qonun loyihasi bilan davlat sud-ekspertiza muassasalari tomonidan amalga oshirilgan sud ekspertizasi xulosasi boʻyicha qoʻshimcha va qayta sud ekspertizasi, komissiyaviy va kompleks sud ekspertizalarini esa nodavlat sud-ekspertiza tashkiloti oʻtkazishi mumkinligi mustahkamlab qoʻyilmoqda.
Muhokama 22 aprelga qadar davom etadi.
Yangiliklar lentasi
0