Iqtisod

Oʻzbekiston Rossiyadan teplovoz xarid qiladi

© Sputnik / Anton DenisovOtpravka pervoy partii vagonov metro v Uzbekistan
Otpravka pervoy partii vagonov metro v Uzbekistan - Sputnik Oʻzbekiston, 1920, 12.04.2022
Obuna boʻlish
Yandex newsTelegram
STM savdo uyi Oʻzbekistonning “Enter Engineering” kompaniyasi bilan TEM9 va TEM14 seriyali lokomotivlarni yetkazib berish toʻgʻrisida shartnoma imzoladi.
TOSHKENT, 12 apr — Sputnik. Rossiyaning “Sinara-transportniye mashini" xoldingi tarkibiga kiruvchi STM savdo uyi Oʻzbekistonning “Enter Engineering” kompaniyasi bilan 5 ta TEM9 va TEM14 seriyali lokomotivlarni yetkazib berish toʻgʻrisida shartnoma imzoladi. Mashinalar 2022 yil oxiriga qadar yetkazib beriladi.
“Sinara-TM” kompaniyasi matbuot xizmati xabariga koʻra, teplovozlardan Samarqand viloyatidagi yangi mineral oʻgʻitlar ishlab chiqarish kimyoviy majmuasini barpo etishda foydalaniladi.
STM savdo uyi bosh direktori Anton Zabixunning taʼkidlashicha, bu xolding tomonidan Oʻzbekistonga sovet davridan buyon birinchi marta unumli texnika yetkazib berilishi. Shuningdek, u hozir kompaniyalar keyingi yetkazib berishlar, jumladan, SMTning temir yoʻl texnikalarini yetkazib berish imkoniyatlarini muhokama qilishayotganini qoʻshimcha qildi.
“Oʻzbekistonning sanoat va temir yoʻl korxonalari bizda katta qiziqish uygʻotmoqda va biz bu bozorda texnikalarimiz ulushini oshirishni rejalashtirmoqdamiz”, - dedi Anton Zubixin.
“Enter Engineering” uchun lokomotivlar iqlim xususiyatlari inobatga olingan holda tayyorlanadi. Xususan, teplovozlarning sovutish tizimi yoz mavsumida +50 daraja haroratdagi ishlar uchun moslashtiriladi. Teplovozlar Lyudinovo teplovozsozlik zavodi maydonlarida ishlab chiqariladi.
Eslatib oʻtamiz, Hukumat qarori bilan 2023 yil 1 iyulga qadar "Samarqandkimyo" AJ negizida murakkab mineral oʻgʻitlar ishlab chiqarishning zamonaviy, ekologik jihatdan zararsiz majmuasini ishga tushirish rejalashtirilgan.
Yangiliklar lentasi
0