Analitika

Rossiya va Belarus boʻlajak Yevroosiyo makromintaqasining oʻzagiga aylanishi kerak - ekspert

© Sputnik / Nina ZotinaAndrey Savinыx
Andrey Savinыx - Sputnik Oʻzbekiston, 1920, 12.04.2022
Obuna boʻlish
Yandex newsTelegram
Mutaxassis aytishiga koʻra, koʻp qutbli dunyo yaratish, bir necha davlatlarni birlashtirgan makrohududlar tashkil qilish stsenariysi orqali amalga oshiriladi.
TOSHKENT, 12 apr - Sputnik. Belorussiya va Rossiya tezda boʻlajak Yevroosiyo makromintaqasining oʻzagiga aylanishi kerak, dedi Belarus Parlamentining xalqaro masalalar boʻyicha komissiyasi raisi Andrey Savinыx. RIA Novosti xabariga asosan.
"Men ushbu anjumanning barcha ishtirokchilarini Rossiya va Belarus ittifoqini tez orada boʻlajak Yevroosiyo makromintaqasining oʻzagiga aylantirish kerakligi haqida oʻylashga daʼvat etaman. Ushbu oʻzakni tez va sifatli tashkil qilish - biz uchun juda muhim.
Eng muhimi - Rossiya va Belarus orasidagi munosabatlar davlatlararo munosabatlarning yangi etaloniga va jozibador shakliga aylanishi kerak. Teng huquqli va adolatli dunyoning qadrini bilgan boshqa davlatlar ham, barcha millatlar ravnaqi uchun ishlaydigan ushbu ittifoqqa aʼzo boʻlishga va u bilan hamkorlik qilishga intiladi", - dedi Andrey Savinыx.
Mutaxassis aytishiga koʻra, koʻp qutbli dunyo yaratish, bir necha davlatlarni birlashtirgan makrohududlar tashkil qilish stsenariysi orqali amalga oshiriladi. Bunday makrohududlar ushbu davlatlarning siyosiy, iqtisodiy va harbiy imkoniyatlarini mustahkamlash uchun xizmat qiladi.
"Hamma davlatlar ham toʻlaqonli va faol makromintaqalarni shakllantira olmaydi yoki ularning bir qismi boʻla olmaydi", deb hisoblaydi Savinix.
"Vaqt (tezlik) yangi farovonlik va yetakchilik markazlarining paydo boʻlishi uchun hal qiluvchi omil boʻladi, desak ham mubolagʻa boʻlmaydi. Tez sodir boʻlayotgan oʻzgarishlardan orqada qolgan makromintaqalar - tsivilizatsiya chetida qolib ketishi mumkin. Rivojlangan makromintaqalar u yerdan insoniy va tabiiy resurslarni soʻrib oladi va u yerga oʻz muammolarini uarga tashlaydi”, - deya qoʻshimcha qildi ekspert.
Savinix aytishiga koʻra, ushbu oʻzgarishlarni amalga oshirish surʼati har qachongidan ham muhimroq, chunki "Rossiya va Belarus ishtirokida tashkil qilinayotgan yangi makromintaqa Yevropa Ittifoqi deyarli 70 yil ichida bosib oʻta olmagan yoʻlni 5 yil ichida bosib oʻtishi zarur. Shubhasiz, yangi zamon ittifoq davlat rivojlanish strategiyasiga yangi talablar qoʻymoqda. Bu esa mutlaqo yangi sifat oʻzgarishlarini talab qiladi”, - deya xulosa qildi maʼruzachi.
Eslatib oʻtamiz, bugun Amur viloyatidagi Blagoveщensk shahrida Rossiya prezidenti Vladimir Putin Belarus prezidenti Aleksandr Lukashenko bilan muzokaralar boʻlib oʻtdi. Unda prezidentlar Gʻarb sanktsiyalariga qarshi choralarni, ikki tomonlama hamkorlikni rivojlantirish masalalarini muhokama qildilar.
Muzokaralardan soʻng Belarus rahbari Primorsk oʻlkasi gubernatori Oleg Kojemyako bilan uchrashishi rejalashtirilgan. Uchrashuvda mintaqa bilan hamkorligini rivojlantirish hamda Belarus ichki bozoriga baliq yetkazib berish masalalari muhokama qilinadi.
Yangiliklar lentasi
0