Turizm

Rossiya va Oʻzbekiston oʻrtasidagi parvozlarga boʻlgan talab yana ortishi kutilmoqda

© Sputnik / Ramiz BaxtiyarovModel Boeing-Dreamliner u stenda Uzbekistan Airways
Model Boeing-Dreamliner u stenda Uzbekistan Airways - Sputnik Oʻzbekiston, 1920, 12.04.2022
Obuna boʻlish
Yandex newsTelegram
Butun dunyoda turistlar oqimi sezilarli darajada oshishi, yaʼni yiliga kamida 30% ga oʻsishi mumkin.
TOSHKENT, 12 apr — Sputnik. Oʻzbekistonning koʻplab mahalliy ayeroportlaridan xalqaro aviaqatnovlar amalga oshirilmoqda, ammo bugungi vaziyatdan kelib chiqib, Toshkentdan boshqa shaharlarda ham bir qator yoʻnalishlarda xalqaro parvozlar sonini koʻpaytirish lozim. Bu haqda Turizm va madaniy meros vazirligi xabar bermoqda.
Taʼkidlanishicha, butun dunyoda COVID-19 global pandemiyasidan chiqish tendentsiyalari holatiga koʻra, yaqin kelajakda turistlar oqimi sezilarli darajada oshishi, yaʼni yiliga kamida 30% ga oʻsishi kutilmoqda.
Bu esa qoʻshimcha xalqaro havo yoʻlovchi tashishlarini amalga oshirish, milliy aviakompaniya tizimida parvozlar geografiyasini kengaytirish, xorijiy aviakompaniyalarni, ayniqsa, arzon yuk tashish yoʻnalishlarini jalb etishni taqozo etadi.
Butunjahon turizm tashkilotining "Ipak yoʻli ofisi" maslahatchisining soʻzlariga koʻra, ayniqsa, Oʻzbekistonda bu holat bir qator yoʻnalishlarda koʻproq koʻzga tashlanishi mumkin.
Rossiyaning Moskva, Sankt-Peterburg, Irkutsk, Novosibirsk, Ufa, Krasnoyarsk, Tyumen, Yekaterinburg, Samara, Qozon, Mineralne Vodi, Rostov-na-Donu, Krasnodar, Sochi, Voronej, Vladivostok va boshqa bir qator Rossiya shaharlari bilan muntazam aviqatnovlar yoʻlga qoʻyilgan boʻlsada, parvozlarga boʻlgan talablar yana ortishi kutilmoqda.
Bundan tashqari, Orenburg, Volgograd, Xabarovsk, Kemerovo, Nijnevartovsk, Murmansk, Nijniy Novgorod, Surgut, Petropavlovsk-Kamchatskiy, Omsk, Barnaul shaharlaridan keluvchi sayyohlar uchun qulay imkoniyatlar yaratish ustida ishlash lozim.
Oʻzbekiston Turizm va madaniy meros vazirligi huzuridagi Jahon sayyohlik tashkiloti vakolatxonasi maslahatchisi Shuhrat Isoqulov Sputnik muxbiriga mamlakat Rossiyadan kelayotgan sayyohlar sonini ham oshirish rejalashtirayotganini maʼlum qilgan edi.
Uning soʻzlariga koʻra, 2019 yilda Oʻzbekistonga Rossiyadan 480 ming rossiyalik sayyoh kelgan. Bu koʻrsatkich yanada oshirish va 1,5 million nafarga yetkazish rejalashtirilgan.
Ayni damda Oʻzbekistonda turizm sektori rossiyalik sayyohlarning ehtiyojlariga moslashishga harakat qilmoqda, ularning asosiy afzalligi all-inclusive shaklidir.

Mavzuga oid:

Oʻzbekiston Rossiyadan 1,5 milllion sayyoh kutmoqda
Oʻzbekiston xorijiy sayyohlar uchun ochildi
Oʻzbekiston turizmi gurkirab rivojlanishi bashorat qilinmoqda
Yangiliklar lentasi
0