Rossiya

Rossiyada YouTube᾽ni oʻn yilga taqiqlash taklif qilindi

© Sputnik / Ramil SitdikovVideoxosting YouTube
Videoxosting YouTube - Sputnik Oʻzbekiston, 1920, 12.04.2022
Obuna boʻlish
Yandex newsTelegram
Rossiya Davlat dumasi deputati YouTube videoxostingini kamida 10 yilga qonunan taqiqlash taklifini bildirmoqda.
TOSHKENT, 12 apr — Sputnik. Rossiyada YouTube videoxostingini kamida 10 yilga qonunan taqiqlash lozim. Rossiya Davlat dumasining Qrim hududidan boʻlgan deputati Aleksey Chernyak shunday taklif bilan chiqdi.
“Men Davlat dumasi rahbariyatiga YouTube ishini mamlakatimiz hududida qonunan kamida 10 yilga taqiqlash masalani koʻrib chiqishni taklif qilmoqchiman. Agar ular bir-ikkki yildan keyin qaytishni xohlab qolishsa, buning iloji boʻlmaydi, ularning oʻrnini esa tezda oʻzimizning mahalliy xizmatlarimiz egallashadi”, - dedi u RIA Novosti bilan suhbatda.
Deputat YouTube᾽da Davlat dumasi ishi haqida maʼlumot berib boruvchi "Duma TV" kanali bloklanganini qoraladi. Chernyak buni tsenzura va huquq va erkinlik buzilishi hamda axborotni yoritishda monopoliya oʻrnatishga boʻlgan urinish deb atadi.
“YouTube᾽ning okean ortidagi egalariga haqiqat kerak emas. Xizmatning oʻzi Rossiya hududida qonundan tashqarida boʻlishi uchun barcha sharoitlarni yaratdi”, - deb hisoblaydi deputat.
U "Dumы TV" xodimlari Rossiya maydonlarida ishlashni davom ettirishlari, YouTube esa qatʼiy javob choralariga giriftor boʻlish xavfi ostida ekanini taʼkidladi.
Google᾽ga tegishli YouTube videoxostingi "Duma TV" kanalini 9 aprel kuni blokladi. Kanalda 145 mingdan ziyod obunachilar bor edi. Kompaniya bu qarorni sanktsiyalar va savdo qoidalari toʻgʻrisidagi qonunchilikka rioya qilish bilan izohlagan.
Rossiya Tashqi ishlar vazirligi maxsus vakili Mariya Zaxarova bunga munosabat bildirib, YouTube oʻziga oʻzi hukm imzolaganini maʼlum qildi.
Eslatib oʻtamiz, YouTube fevral oyi oxiridan buyon Yevropa va boshqa davlatlarda Russia Today, Sputnikning va boshqa qator Rossiya ommaviy axborot vositalari kanallarini bloklab kelmoqda.
Yangiliklar lentasi
0