Jamiyat

Sud hujjatlarini ijro etishga aralashganlar javobgarlikka tortiladi

Molotok sudi  - Sputnik Oʻzbekiston, 1920, 12.04.2022
Obuna boʻlish
Yandex newsTelegram
Ijro hujjatlari boʻyicha qarzdorlik borligini tekshirmaslik ham maʼmuriy javobgarlikka sabab boʻladi.
TOSHKENT, 12 apr — Sputnik. Majburiy ijro etish jarayoniga aralashganlik uchun maʼmuriy va jinoiy javobgarlik belgilandi. Bu haqda "Huquqiy axborot" Telegram kanali xabar bermoqda.
Prezident imzolagan tegishli qonun bilan sud hujjatlarini va boshqa organlar hujjatlarini majburiy ijro etish jarayoniga aralashganlik uchun maʼmuriy va jinoiy javobgarlik kiritildi.
Unga koʻra, mazkur harakatlar maʼmuriy jazo qoʻllanilganidan keyin sodir etilsa, 1 yildan 3 yilgacha ozodlikni mahrum qilish bilan jazolanishi mumkin.
Shuningdek, yirik bitimlar tuzishda, moliya-kredit xizmatlarini koʻrsatishda, xalqaro yoʻlovchi tashish va davlat xizmatlarini koʻrsatishda ijro hujjatlari boʻyicha qarzdorlik borligini tekshirmaslik ham maʼmuriy javobgarlikka sabab boʻladi.
Qonun bilan ijro ishini yuritishning soddalashtirilgan tartibi belgilandi. Unga koʻra, soddalashtirilgan tartibda undiruv qarzdorning mol-mulkiga (pul mustasno) qaratilmaydi va qarzdorga javobgarlik choralari qoʻllanilmaydi.
Soddalashtirilgan tartibda undiruv bankdagi pulga, MHTEKMdan (822 ming soʻmdan) koʻp boʻlmagan summani undirish uchun esa ish haqiga, stipendiya, pensiya va boshqa daromadlarga qaratiladi.
Yangiliklar lentasi
0