Madaniyat

Prezident Sherali Joʻrayevni “El-yurt hurmati” ordeni bilan taqdirladi

© © Sputnik / Amir IsayevSherali Djurayev
Sherali Djurayev - Sputnik Oʻzbekiston, 1920, 13.04.2022
Obuna boʻlish
Yandex newsTelegram
Oʻzbekiston xalq artisti, "Vatandoshlar" jamoat fondining Vasiylik kengashi raisi Sherali Joʻrayev orden bilan mukofotlandi.
TOSHKENT, 13 apr — Sputnik. Oʻzbekiston xalq artisti Sherali Joʻrayev "El-yurt hurmati" ordeni bilan mukofotlandi. Prezident Shavkat Mirziyoyev 12 aprel kuni tegishli farmonni imzoladi.
Joʻrayev oʻzining koʻp yillik samarali va betakror ijodi bilan oʻzbek qoʻshiqchilik sanʼatini va milliy madaniyatni rivojlantirish, uning shon-shuhratini dunyo xalqlari oʻrtasida keng targʻib etishga qoʻshgan beqiyos hissasi taqdirlangan.

“... mustaqilligimizning maʼnaviy asoslarini mustahkamlash, xalqimiz, ayniqsa, yosh avlodimizni Vatanga muhabbat va sadoqat, milliy va umuminsoniy qadriyatlar ruhida tarbiyalash, yosh isteʼdod egalarining qobiliyatini roʻyobga chiqarish borasidagi katta xizmatlari, ijtimoiy hayotdagi va jamoat ishlaridagi faol ishtiroki hamda tavalludining 75 yilligi munosabati bilan Oʻzbekiston xalq artisti, "Vatandoshlar" jamoat fondining Vasiylik Kengashi raisi Sherali Joʻrayev "El-yurt hurmati" ordeni bilan mukofotlansin”, - deyilgan farmonda.

Sherali Joʻrayev 1947 yil 12 aprel kuni Andijon viloyatining Asaka tumanida dunyoga kelgan.
U 50 yildan ziyod ijodi davomida "Oʻzbegim", "Sohibqiron", "Egasi bor yurt", "Karvon", "Sarbon", "Inson qasidasi" kabi 600 ga yaqin qoʻshiq yaratgan. Uning "Birinchi muhabbatim", "Yoshligimiz", "Oy yuzingga", "Oshiqlar sardori", "Doʻst boʻlsang, yonimda tur" kabi ashulalari xalq qoʻshiqlariga aylanib ketgan.
Xonanda mumtoz shoirlar gʻazallarini kuyga solib, oʻzbek xalqi merosini yosh avlodga va jahonga tanitishga ulkan hissa qoʻshgan. Sherali Joʻrayev 1981 yilda "Oʻzbekistonda xizmat koʻrsatgan artist", 1987 yilda "Oʻzbekiston xalq artisti" faxriy unvonlari, 2018 yilda "Fidokorona xizmatlari uchun" ordeniga sazovor boʻlgan.
Yangiliklar lentasi
0