Jamiyat

Volontyorlar elektron platformasi ishga tushiriladi

© REUTERS / Tyrone SiuVolonter derjit protivoepidemicheskiye paketы, dostavlyaya ix jitelyam vo vremya pandemii koronavirusa v Gonkonge
Volonter derjit protivoepidemicheskiye paketы, dostavlyaya ix jitelyam vo vremya pandemii koronavirusa v Gonkonge - Sputnik Oʻzbekiston, 1920, 13.04.2022
Obuna boʻlish
Yandex newsTelegram
Talabalar oʻz taʼlim muassasalarida oʻqishdan tashqari vaqtlarida volonterlik qilishlari mumkin. Diniy tashkilot xodimlari volontyor boʻla olmaydi.
TOSHKENT, 13 apr — Sputnik. 1 iyundan boshlab Oʻzbekiston yoshlar portali negizida yaratilgan volontyorlar elektron platformasi ishga tushiriladi. Bu boʻyicha Vazirlar Mahkamasining 169 – sonli qarori qabul qilindi.
Volontyorlar platformasida quyidagilar qayd etiladi:
Volontyorlar guruhiga kiritilgan shaxslarni hisobga olish;
Volontyorlarning tadbir, loyiha va aktsiyalardagi ishtiroki va davlat organlari faoliyatiga koʻmaklashgan davri;
Davlat organlarining volontyorlar bilan ishlashiga oid metodik tavsiyalari;
Chet elda volontyorlik faoliyati bilan shugʻullanish.
Yoshlar ishlari agentligi ushbu platforma faoliyati va uning doimiy qoʻllab-quvvatlanishini taʼminlaydi.
Davlat organlari rahbarlari volontyorlar jalb etiladigan yoʻnalishlar roʻyxati va ichki yoʻriqnomasini tasdiqlaydi. Ular davlat organlarida tashkil etilgan komissiya tomonidan suhbat asosida tanlab olinadi.
Volontyorlik guruhlarning faol aʼzolari davlat organlarining byudjetdan tashqari mablagʻlari doirasida hamda qonunchilik hujjatlarida taqilanmagan boshqa manbalar hisobidan ragʻbatlantirib boriladi.
Davlat organlarining yoshlar bilan ishlashga masʼul rahbar oʻrinbosarlariga (maslahatchilariga) volontyorlar bilan ishlash vakolati yuklatiladi.
Volontyorlikka voyaga yetgan, oʻz sohasi boʻyicha bilim va koʻnikmaga ega shaxslar davlat organlari faoliyatiga jalb etilishi mumkin.
Professional va OTM taʼlim olayotgan fuqarolar ushbu taʼlim muassasalarida oʻqishdan tashqari vaqtlarida volonterlik qilishlari mumkin.
Volontyor sifatida jalb etilmaydigan fuqarolar:
Muomilaga layoqati belgilangan tartibda cheklangan yoki muomilaga layoqatsizlar;
Tegishli soha boʻyicha bilim va koʻnikmaga ega boʻlmaganlar;
Davlat organi xodimlari ( oʻzi ishlayotgan davlat organi faoliyatida);
Sudlanganlar;
Jinoiy jazoni oʻtayotganlar;
Harbiy xizmatdagilar;
Diniy tashkilotlarning professional xizmatchilari.
Yangiliklar lentasi
0