Jamiyat

Navroʻzga bagʻishlangan tanlov gʻoliblariga mukofotlar topshirildi

© AOKANagrajdeniye pobediteley konkursa posvyaщennogo prazdniku Navruz
Nagrajdeniye pobediteley konkursa posvyaщennogo prazdniku Navruz - Sputnik Oʻzbekiston, 1920, 14.04.2022
Obuna boʻlish
Yandex newsTelegram
Gʻoliblarga maxsus sertifikatlar va 5 milliondan 20 milliongacha pul mukofotlari topshirildi
TOSHKENT, 14 apr - Sputnik. AOKAda 13 aprel kuni "Assalom, Navroʻz — yangilanish, mehr-oqibat va qadr-qimmat ayyomi!" tanlovi gʻoliblarini taqdirlash marosimi boʻlib oʻtdi.
"Tanlovda 715 nafar qatnashchidan jami 2998 ta ijodiy ish kelib tushdi. Yoshlarning Navroʻz haqidagi tasavvurlarini fotosurat, videorolik, sheʼr orqali aks ettirishga ishtiyoqi baland ekani namoyon boʻldi. Kelasi yili ham, umuman, anʼanaviy tarzda shu tanlovni oʻtkazishni yoʻlga qoʻyamiz", — dedi Agentlik direktori A.Xodjayev.
Tanlov ishtirokchilarining ijodiy ishlari millatlararo doʻstlik va totuvlik muhitini mustahkamlash, amalga oshirilayotgan islohotlar natijasida xalqimiz hayotida yuz berayotgan ijobiy oʻzgarishlarni ochib berish va boshqa belgilangan talablarga qarab baholandi.
Hakamlar tanloa shartlariga javob beradigan 513 ta ijodiy ishlar orasidan:
"Eng yaxshi ijtimoiy rolik" nominatsiyasi boʻyicha 3 ta ishtirokchi;
"Eng yaxshi sheʼr ijrosi" (videomaterial shaklida) 4 ta ishtirokchi;
"Eng yaxshi fotosuratlar" nominatsiyasi boʻyicha 4 ta ishtirokchining materiallari mukofotga munosib deb topildi.
Gʻoliblarga maxsus sertifikatlar va 5 milliondan 20 milliongacha pul mukofotlari topshirildi.
Tadbirda AOKA direktori Asadjon Xodjayev, EOAVMA rahbari Sherzodxon Qudratxoʻja, Yoshlar ishlari agentligi direktori oʻrinbosari Dilnoza Kattaxonova, Oʻzbekiston jurnalistlari ijodiy uyushmasi raisi Olimjon Oʻsarov, tashkiliy qoʻmita va hakamlar hayʼati aʼzolari, jurnalistlar ishtirok etdi.
© AOKANagrajdeniye pobediteley konkursa posvyaщennogo prazdniku Navruz
Nagrajdeniye pobediteley konkursa posvyaщennogo prazdniku Navruz - Sputnik Oʻzbekiston, 1920, 14.04.2022
Nagrajdeniye pobediteley konkursa posvyaщennogo prazdniku Navruz
Yangiliklar lentasi
0