Rossiya

Putin Rossiya bozorini milliy valyutalardagi hisob-kitobga oʻtkazishni tayyorlashni topshirdi

© Sputnik / POOLPrezident RF Vladimir Putin
Prezident RF Vladimir Putin - Sputnik Oʻzbekiston, 1920, 14.04.2022
Obuna boʻlish
Yandex newsTelegram
Putin: Rossiya valyuta bozorini milliy valyutalarda hisob-kitoblarga oʻtishga tayyorlash kerak, bu strategik vazifa.
TOSHKENT, 14 apr — Sputnik. Rossiya bozorini milliy valyutalardagi hisob-kitoblar ulushining sezilarli oʻsishiga tayyorlash zarur. Bu haqda Rossiya prezidenti Vladimir Putin neft va gaz sektoridagi vaziyatga bagʻishlangan yigʻilishda maʼlum qildi.
“Umuman olganda biz tashqi savdo tizimida milliy valyutalardagi hisob-kitoblarning ulushini tubdan oshirish niyatidamiz. Bu yoʻnalishlardagi muhim qadamlar allaqachon tashlanmoqda, va bu yerdagi asosiy vazifa – har qanday xorijiy valyutani erkin va kerakli hajmda Rossiya rubliga almashtirish mumkin boʻlishi uchun valyuta bozorimizni bu oʻtishga tayyorlashimiz darkor”, - dedi Rossiya rahbari.
Putin ishonchsiz valyutalardan voz kechish bu Rossiya iqtisodiy xavfsizligi nuqtai nazaridan strategik vazifa ekanini taʼkidladi.
Eslatib oʻtamiz, avvalroq Rossiya bosh vazirining birinchi oʻrinbosari Andrey Belousov Rossiya hamkorlari bilan milliy valyuta asosida hisob-kitob qilish tizimini yaratish xususida muzokaralar olib borayotganini maʼlum qilgani xabar qilingan edi.
Yangiliklar lentasi
0