Iqtisod

Iyundan tadbirkorlar uchun soliq maʼmuriyati soddalashtiriladi - prezident

© Press-slujba prezidenta UzbekistanaPrezident Shavkat Mirziyoyev
Prezident Shavkat Mirziyoyev - Sputnik Oʻzbekiston, 1920, 15.04.2022
Obuna boʻlish
Yandex newsTelegram
Iyundan tadbirkorlar ni tekshirish tartibi, ruxsatnoma berish va soliq maʼmuriyati soddalashtiriladi, dedi prezident.
TOSHKENT, 15 apr - Sputnik. Oʻzbekiston prezidenti Shavkat Mirziyoyev 2022 yil 1 iyundan tadbirkorlar uchun soliq maʼmurchiligi va tekshirishlar tizimi soddalashtirilishini eʼlon qildi.
Majlisda eʼlon qilinishiga koʻra, yaqin vaqt ichida tadbirkorlarga qoʻyidagi yengilliklar beriladi:
mol-mulk soligʻini hisoblash tizimi bozor tamoyillariga oʻtkazilganini inobatga olib, qoʻshimcha yuqori soliq stavkalarini qoʻllash tartibi bekor qilinadi.
aylanmasi 1 milliard soʻmdan oshgan tadbirkorlarga qoʻshilgan qiymat soligʻi toʻlovchisi guvohnomasi dastlabki oʻrganishsiz, avtomatik tarzda beriladi.
bundan buyon tadbirkorlarga nisbatan 22 ta turdagi tekshiruv faqat Biznes-ombudsman ruxsati bilan amalga oshiriladi (hozirgi kunda 159 turdagi tekshiruvdan 119 tasiga ruxsat olinadi).
yuqori xavf darajasi mavjud boʻlgan tadbirkorlarga qoʻshilgan qiymat soligʻi toʻlovchisi guvohnomasini toʻxtatib qoʻyishdan oldin xabardor etish tartibi joriy etiladi.

“Oxirgi soliq maʼmurchiligi boʻyicha oʻzgarishlar tadbirkorlar oʻrtasida koʻplab tushunmovchilik va savollarni keltirib chiqardi. Shuning uchun, topshirigʻimga koʻra, Moliya vazirligi va Soliq qoʻmitasi huzurida yirik tadbirkorlar, olimlar va faol jamoatchilar ishtirokida Jamoatchilik kengashi tuzildi”, - dedi Prezident.

Undan tashqari, ovqatlanish korxonalari uchun 200 dan ortiq sanitariya talablari mavjud boʻlib, ularning 20 tasiga amal qilishning umuman imkoni yoʻq. Shu munosabat bilan sanitariya talablarini qayta koʻrib chiqib, eskirgan talablarni bekor qilish, yetkazib berish xizmatlari bilan shugʻullanadigan korxonalarga sanitariya talablarini soddalashtirish vazifasi qoʻyildi.
Yangiliklar lentasi
0