Jamiyat

Jismoniy shaxsning shaxsiy identifikatsiya raqamini aniqlash va berish tartibi tasdiqlandi

© Sputnik / Valeriy MelnikovPasport grajdanina Uzbekistana
Pasport grajdanina Uzbekistana - Sputnik Oʻzbekiston, 1920, 17.04.2022
Obuna boʻlish
Yandex newsTelegram
1 iyundan jismoniy shaxsning shaxsiy identifikatsiya raqamini (JSHSHIR) berishga oid davlat xizmatlari koʻrsatiladi.
TOSHKENT, 17 apr — Sputnik. Oʻzbekistonda jismoniy shaxsning shaxsiy identifikatsiya raqamini (JSHSHIR) aniqlash va berish tartibi tasdiqlandi. Hukumat tegishli qarorni 12 aprel kuni qabul qildi.
Hujjat bilan JSHSHIRni aniqlash va berish tartibi toʻgʻrisidagi maʼmuriy reglament tasdiqlandi:
Oʻzbekiston hududida tugʻilgan barcha shaxslarga tugʻilganlikni qayd etish jarayonida;
chet davlat fuqarosi yoki fuqaroligi boʻlmagan shaxsga identifikatsiya ID-kartasi berilganda;
chet davlat fuqarosiga Oʻzbekiston hududida vaqtincha boʻlib turganda yoki oʻz faoliyatini ishonchli vakili orqali amalga oshirayotganda;
fuqaroligi boʻlmagan shaxsga biometrik harakatlanish hujjati rasmiylashtirilganda;
chet davlatda vaqtincha yoki doimiy yashaydigan Oʻzbekiston fuqarolari, ularning farzandlari, chet davlat fuqarolari va fuqaroligi boʻlmagan shaxslarga.
Davlat personallashtirish markazi va AKT vazirligiga tegishli hamkor tashkilotlar bilan 1 iyunga qadar JSHSHIRni berish boʻyicha axborot tizimlarini integratsiya qilish vazifasi yuklatilgan.
1 iyundan boshlab shaxsiy identifikatsiya raqamini berishga oid davlat xizmatlarini yoʻlga qoʻyish rejalashtirilmoqda.
9 apreldan boshlab jismoniy shaxslar toʻlov hujjatlariga soliq toʻlovchining identifikatsiya raqami (STIR) oʻrniga JSHSHIRni koʻrsatishlari kerak.
JSHSHIR fuqarolarning biometrik pasportida koʻrsatilgan va u pastki qatorda joylashgan. 14 ta raqamdan iborat. Shuningdek, u ID kartaning orqa tomonida "Shaxsiy raqam / Personal number" yozuvi ostida koʻrsatilgan.
Yangiliklar lentasi
0