Madaniyat

Oʻzbekistonlik dirijyor boshchigidagi orkestr Parijda rus musiqasini ijro etdi

© AFP 2022 / FREDERICK FLORINStrasburgskiy filarmonicheskiy orkestr pod upravleniyem dirijera iz Uzbekistana Aziza Shoxakimova. Arxivnoye foto.
Strasburgskiy filarmonicheskiy orkestr pod upravleniyem dirijera iz Uzbekistana Aziza Shoxakimova. Arxivnoye foto. - Sputnik Oʻzbekiston, 1920, 18.04.2022
Obuna boʻlish
Yandex newsTelegram
Orkestr P.Chaykovskiyning 4-simfoniyasi, N.Rimskiy–Korsakovning "Ispancha kaprichchio"sini ijro etdi.
TOSHKENT, 18 apr — Sputnik. Parijdagi Frantsiya radiosining Festivallar zalida (La Maison de la Radio) oʻzbekistonlik, Strasburg filarmoniya orkestri rahbari Aziz Shohakimovning Frantsiya Milliy orkestri ishtirokidagi kontserti namoyish etildi. Bu haqda “Dunyo” AA xabar bermoqda.
“Orkestr P.Chaykovskiyning 4-simfoniyasi, N.Rimskiy–Korsakovning "Ispancha kaprichchio"si va frantsuz kompozitori M.Ravelning fortepiano uchun kontsertini ijro etdi”, - deyilgan xabarda.
Taʼkidlanishicha, kontsert dasturini mingdan ziyod musiqa ixlosmandi tinglagan, shuningdek, u "France Musique" kanali orqali jonli tarzda efirga uzatilgan.
Aziz Shohakimov V.Uspenskiy nomidagi musiqa maktabini tamomlagan. 13 yoshida u ilk bor Oʻzbekiston Milliy simfonik orkestri bilan Betxovenning beshinchi simfoniyasi va F.Listning fortepiano uchun birinchi kontsertiga, 14 yoshida esa Oʻzbekiston davlat akademik katta teatrida "Karmen" operasiga dirijyorlik qilgan.
2001 yilda Oʻzbekiston Milliy simfonik orkestrining dirijyor yordamchisi etib tayinlangan, 2006 yilda esa ushbu jamoaga rahbarlik qila boshlagan. Shuningdek, u Tekfen (Turkiya) filarmoniya orkestri musiqiy rahbari va Juzeppe Verdi nomidagi Milan (Italiya) simfonik orkestrining asosiy taklif etilgan dirijyori hisoblanadi. 2021 yildan boshlab Strasburg filarmoniya orkestrining musiqiy direktori sifatida faoliyat yuritib kelmoqda.
Yangiliklar lentasi
0