Jamiyat

Qizini ayiq qafasiga tashlagan ayol ruhiy kasalliklar shifoxonasida majburiy davolanadi

© SputnikMedved Zuzu iz Tashkentskogo zooparka
Medved Zuzu iz Tashkentskogo zooparka - Sputnik Oʻzbekiston, 1920, 18.04.2022
Obuna boʻlish
Yandex newsTelegram
Hayvonot bogʻida yuz bergan voqea yuzasidan sud jarayoni oʻz nihoyasiga yetdi. Sud ayolni qilmishni aqli noraso holatda sodir etgan deb topdi.
TOSHKENT, 18 apr — Sputnik. Sud qarori bilan oʻz qizini ayiqlar volyeriga tashlab yuborgan ayol Toshkent Respublika kuzatuvi kuchaytirilgan ruhiy kasalliklari shifoxonasida majburiy davolanadi. Bu haqda Toshkent shahar sudlari xabar bermoqda.
Jinoyat ishlari boʻyicha Yunusobod tuman sudi yanvar oyida Toshkent hayvonot bogʻida yuz bergan voqea bilan bogʻliq jinoyat ishi yuzasidan sud jarayonini yakunlagan. Z.T. Jinoyat kodeksining 25,97-moddasi 2-qismi “v” bandida nazarda tutilgan jinoyatni sodir etganlikda ayblangan.
Sud Z.T.ni ijtimoiy xavfli qilmishni aqli noraso holatda sodir etgan deb topgan. Uning Toshkent Respublika kuzatuvi kuchaytirilgan ruhiy kasalliklari shifoxonasida majburiy davolanishi belgilangan.
Avvalroq Bosh prokuratura qizini ayiq oldiga tashlagan ayol ishini tibbiy yoʻsindagi majburlov choralarini qoʻllash masalasini hal etishlik uchun sudga yuborgani xabar qilingan edi. Sudga oid psixiatriya va psixologiya kompleks ekspertizalari xulosalariga koʻra, ayol umrbod ruhiy hastalik bilan betoblanib kelgan.
Yangiliklar lentasi
0