Madaniyat

Toshkentda jaz musiqasining 85 yilligi nishonlanadi

© Sputnik / Pavel Bednyakov / Fotobankka oʻtishSaksofon
Saksofon - Sputnik Oʻzbekiston, 1920, 19.04.2022
Obuna boʻlish
Yandex newsTelegram
Xalqaro jaz festivalida turli mamlakatlarning jaz yulduzlari jumladan, Igor Butman va rus jaz orkestri, Tim Byorner, Vendetta Jinettы, Trio Gregorilar ishtirok etadi
TOSHKENT, 19 apr — Sputnik. Oʻzbekistonda joriy yil 30 aprel - 18 may kunlari oltinchi xalqaro jaz festivali oʻtkaziladi. Festival doirasida Oʻzbekiston davlat konservatoriyasida oʻzbekistonlik va xorijlik jaz ijrochilarining 20 ga yaqin kontserti namoish etiladi. Shuningdek, ular asosiy makonga aylangani holda jazning 85 yilligini nishonlaydi. Bu haqda “Dunyo” AA xabar bermoqda.
“Turli mamlakatlarning jaz yulduzlari nafaqat oʻz mahoratlarini namoyish etish, balki aloqalarini kengaytirish va xalqaro jaz jamiyatiga aʼzo boʻlish uchun Oʻzbekistonga tashrif buyurishadi. Ular orasida Tim Byorner (Germaniya), Vendetta Jinettы (AQSH), Igor Butman va rus jaz orkestri (Rossiya), Trio Gregori kabi mashhur sanʼatkorlar bor”, deyiladi xabarda.
Kontsert dasturlari Xiva shahrining Ichon qalʼasida ochiq havoda, Urganch shahridagi Ogahiy nomidagi musiqali drama teatrida, Buxoro shahridagi musiqali drama teatri va Ilxom teatrida ham namoyish etiladi.
Bundan tashqari, Uspenskiy nomidagi musiqa kolleji, Toshkent tsirk kolleji, Oʻzbekiston davlat konservatoriyasi, Toshkentdagi “Bonum Faktum” galereyasi va “Maqom” barida, shuningdek, Buxorodagi musiqa kollejida mahorat darslari va musiqa mashgʻulotlari tashkil etiladi.
Maʼlumot uchun, ushbu festival 2011 yilda YUNESKO tomonidan rasman eʼlon qilingan xalqaro jaz kuni nishonlanishi munosabati bilan oʻtkazilib kelinmoqda. YUNESKO vakolatxonasining maʼlumotiga koʻra, tadbir Madaniyat va sanʼatni rivojlantirish jamgʻarmasi, Oʻzbekiston davlat konservatoriyasi va Toshkent shahar hokimligi tomonidan Frantsiya, Germaniya, Vengriya, Hindiston, Polsha, Slovakiya, Shveytsariya va AQSH elchixonalari ishtirokida tashkil etilmoqda.
Yangiliklar lentasi
0