Jamiyat

XTV ID karta olmagan maktab bitiruvchilariga murojaat qildi

© Sputnik / Vitaliy Ankov / Fotobankka oʻtishShkolniki pered nachalom yedinogo gosudarstvennogo ekzamena v sredney obщeobrazovatelnoy shkole №13 Vladivostoka
Shkolniki pered nachalom yedinogo gosudarstvennogo ekzamena v sredney obщeobrazovatelnoy shkole №13 Vladivostoka - Sputnik Oʻzbekiston, 1920, 19.04.2022
Obuna boʻlish
Yandex newsTelegram
Bugungi kunda 16 yoshga toʻlgan 122 mingdan ortiq bitiruvchilar (31%) pasport olmagan.
TOSHKENT, 19 apr — Sputnik. Joriy oʻquv yilida maktablarni 390 mingdan ortiq oʻquvchilar bitiradi. Bugungi kunda 16 yoshga toʻlgan 122 mingdan ortiq bitiruvchilar (31%) pasport olmagan. Bu haqda Xalq taʼlimi vazirligi (XTV) xabar bermoqda.
Vazirlik ota-onalardan 16 yoshga toʻlgan maktab bitiruvchilarining oʻz vaqtida pasport (ID-karta) olishini taʼminlashni soʻragan. Maktab maʼmuriyatlari esa bitiruvchilarning pasport maʼlumotlarini attestat.uzedu.uz saytiga kiritib boradi.
Oliy taʼlim muassasalariga abituriyentlarning hujjatlari Davlat test markazining abitur.dtm.uz sayti orqali onlayn qabul qilinadi. Onlayn hujjat topshirish uchun bitiruvchilarning pasport (ID karta) maʼlumotlarini (jismoniy shaxsning shaxsiy identifikatsiya raqami – JSHSHIR) kiritish talab etiladi. Shu bois 16 yoshga toʻlgan bitiruvchilar oʻz vaqtida pasport (ID karta) olishlari zarur.
Maʼlumot uchun, 16 yoshga toʻlgan bitiruvchilar pasport olishlari uchun Ichki ishlar organlarining migratsiya va fuqarolikni rasmiylashtirish boʻlimlariga murojaat etishlari mumkin.
Yangiliklar lentasi
0