AKT vazirligi "Yandeks.Taksi"ga Toshkent IT-parki rezidenti bo‘lishni taklif qildi

© Sputnik / Pavel Bednyakov / Mediabankka o‘tishVoditel v zashitnoy maske za rulem taksi
Voditel v zashitnoy maske za rulem taksi - Sputnik O‘zbekiston, 1920, 20.04.2022
Obuna bo‘lish
AKT vazirligi va Yandeks taksi o‘zaro hamkorlikni mustahkamlash va qo‘shma loyihalarni amalga oshirishga tayyor ekanini ma’lum qildi.
TOShKENT, 19 apr – Sputnik. O‘zbekiston hukumati "Yandeks.Taksi"ga Toshkentdagi IT-parkning rezidenti bo‘lishni taklif qildi, deb xabar qildi Axborot texnologiyalari va kommunikatsiyalarini rivojlantirish vazirligi.
Xabarda aytilishiga ko‘ra, AKT vaziri Sherzod Shermatov va "Yandeks.Taksi" kompaniyasining MDH davlatlari bo‘yicha boshqaruvchi direktori Kirill Svinsov bilan ikki tomonlama hamkorlik masalalarini muhokama qilgan.
"Bugungi kunda kompaniya O‘zbekiston bozorida faollashib, fuqarolarga qulaylik yaratmoqda. AKT vaziri kompaniyaga IT-park rezidenti maqomini olish taklifini ilgari surdi", — deyiladi vazirlikning Telegram-kanaldagi xabarida.
Shermatov O‘zbekistonda "Yandeks.Taksi" faoliyati kengayayotgani, boshqa viloyat markazlarida ham ushbu xizmat keng joriy etilayotganini qayd etdi.
Tomonlar, shuningdek, hamkorlikni mustahkamlash va qo‘shma loyihalarni amalga oshirishga tayyor ekanliklarini bildirdilar.
Eslatib o‘tamiz, "Yandeks.Taksi" O‘zbekistonda 2018-yilning aprel oyidan boshlab ishlamoqda. Bugungi kunda kompaniya Toshkent shahrida va yana bir necha viloyat markazlarida o‘z faoliyatini yo‘lga qo‘ygan.
“Toshkent IT-parki” biroz oldin ishga tushgan bo‘lib, u yerda xorijiy IT kompaniyalar va IT-mutaxassislarini ro‘yxatdan o‘tkazish, ofis ochish, ishga yollash xizmatlari ko‘rsatilmoqda. Maqsad - IT sohasiga xorijiy kompaniya va mutaxassislarni jalb qilish, ularning moslashish va ishga joylashishda yordam berish. IT-parki matbuot xizmati xabariga ko‘ra, yil boshidan buyon 3000 dan ortiq xorijlik ushbu dasturdan foydalangan.
Yangiliklar lentasi
0