Dunyoda

Hind generali Rossiya qurollarining ustunlik taraflarini aytib berdi

© Sputnik / Aleksey Malgavko / Fotobankka oʻtishKompleks PVO S-400 "Triumf" zastupil na boyevoye dejurstvo v Sevastopole
Kompleks PVO S-400 Triumf zastupil na boyevoye dejurstvo v Sevastopole - Sputnik Oʻzbekiston, 1920, 20.04.2022
Obuna boʻlish
Yandex newsTelegram
Hindistonlik general Sehgal: Rossiya qurollari narxi va ishonchliligi boʻyicha Gʻarb qurollaridan ustundir.
TOSHKENT, 20 apr - Sputnik. Rossiya qurollari oʻzining soddaligi, narxi va ishonchliligi bilan Gʻarb qurollaridan ustundir, dedi harbiy ekspert, Hindiston armiyasining isteʼfodagi general-mayori P.K.Sexgal RIA Novosti nashriga.
"Gap shundaki, bizning qoʻshinlarimiz Rossiya qurol tizimlariga oʻrganib qolgan. Ular Gʻarb taklif qilayotgan muqobilidan ancha arzon. Rossiya qurollari ishonchli va oxirgi eng kerakli damda buzilib qolmaydi. Gʻarb qurollari juda murakkab va koʻpincha bizga pand beradi. Hindiston soʻnggi oltmish yil davomida rus qurollaridan ishonchli foydalanib kelmoqda", dedi general.
Stokgolm xalqaro tinchlik tadqiqot instituti (SIPRI) maʼlumotlariga koʻra, Hindiston 2017 yildan 2021 yilga qadar oʻz mudofaa byudjetining deyarli yarmini Rossiyadan qurol sotib olishga sarflagan. Shu bilan birga, bu 2012 yildan 2016 yilgacha boʻlgan vaqtdan kamroq - oʻsha paytda bu davlat mudofaa byudjetining 69 foizini Rossiya qurollariga sarflangan.
Hindistonning eng qimmat xaridi bu -S-400 zenit-raketa tizimlari boʻldi. Ularni yetkazib berish boʻyicha shartnoma 2018 yil oktyabr oyida imzolangan. Maʼlum boʻlishicha, Dehli beshta ana shunday ZRT polkini 5,43 milliard dollar evaziga xarid qilgan. Shu tariqa Hindiston Xitoy va Turkiyadan keyin S-400ning uchinchi xorijiy xaridoriga aylandi.
Rossiya texnologiyasi bilan parallel ravishda Nyu-Dehli Frantsiya, AQSH va Isroil qurollariga qiziqish bildirmoqda. Yaqinda Frantsiya Hindistonga 32 ta Dassault Rafale reaktiv qiruvchi samolyotlari, 15 ta jangovar Mirage samolyoti va uchta Scorpene suv osti kemasini yetkazib berdi.
Hindiston va AQSH oʻrtasidagi mudofaa savdosining qiymati 2000 yildagi 200 million dollardan 2019 yilga kelib 6,2 milliard dollarga koʻtarildi. Xaridlar orasida MQ-9A Reaper uchuvchisiz samolyotlari, P8-I Poseidon uzoq masofali dengiz patrul samolyotlari va Sikorsky MH-60R koʻp maqsadli vertolyotlari bor.
Fevral oyi boshida Hindiston bosh vaziri Narendra Modi qurollarni import qilish muammosi shundaki, ular armiyaga yetib kelgunicha eskirib qolayotganini va ushbu muammoni hal etish yoʻllaridan biri – bu qurollarni mamlakatning oʻzida ishlab chiqarish boʻlishi mumkinligini aytgan edi.
Yangiliklar lentasi
0