Sport

Ibrohimxalil Yoʻldoshev “Nijniy Novgorod” klubi bilan shartnomasini uzaytirdi

© Sputnik / Grigoriy Sokolov / Fotobankka oʻtishIbroximxalil Yuldoshev
Ibroximxalil Yuldoshev - Sputnik Oʻzbekiston, 1920, 20.04.2022
Obuna boʻlish
Yandex newsTelegram
Oʻzbekiston terma jamoasi himoyachisi Rossiya klubi bilan uzoq muddatli shartnoma imzoladi.
TOSHKENT, 20 apr — Sputnik. Oʻzbekistonlik futbolchi Ibrohimxalil Yoʻldoshev “Nijniy Novgorod” klubi bilan uzoq muddatli shartnoma imzoladi.
Terma jamoaning 21 yoshli himoyachisining Sputnik muxbiriga maʼlum qilishicha, yangi shartnoma uch yilga moʻljallangan.

“Ha, men “Nijniy Novgorod” klubim bilan shartnomani uzaytirdim. Men uchun bu yangi yutuqlar uchun yana bir qadam. Shartnomani 3 yilga uzaytirdim. Endi klubim Rossiya Premyer-ligasining top reytingida boʻlishi uchun yanada yaxshi oʻynashga harakat qilaman”, - deydi Yoʻldoshev.

Ibrohimxalil Yoʻldoshev "Paxtakor" jamoasi tarbiyalanuvchisi hisoblanadi. Bir mavsum "Bunyodkor" safida ijarada oʻynagan. Yoʻldoshev 2021 yil avgust oyida "Nijniy Novgorod" safiga oʻtgan edi. Futbolchi joriy mavsum 17 ta oʻyinda maydonga tushgan. U bitta gol va 2 ta golli uzatmani amalga oshirgan.
Mart oyida Yoʻldoshev klubning eng yaxshi futbolchisi deb topilgan. Unga 714 nafar muxlis ovoz bergan. Boshqa futbolchilar ichida u eng koʻp 55,35 foizni qoʻlga kiritgan.
Yangiliklar lentasi
0