“Tolibon” ID* jangarilari Termizni o‘qqa tutgani haqidagi xabarni rad etdi

© SputnikVoorujennie boyeviki
Voorujennie boyeviki - Sputnik O‘zbekiston, 1920, 20.04.2022
Obuna bo‘lish
Afg‘oniston TIV afg‘on-o‘zbek chegarasidagi vaziyat barqarorligi, xavotirga o‘rin yo‘qligini ma’lum qildi.
TOShKENT, 20 apr — Sputnik. “Tolibon”* harakati Afg‘oniston hududidan ID** jangarilari O‘zbekiston harbiy obyektlarini raketalar bilan o‘qqa tutgani haqidagi xabarni rad etdi. Afg‘onistondagi toliblarning muvaqqat hukumati Tashqi ishlar vazirligi tegishli bayonot bilan chiqdi.
“Afg‘on-o‘zbek chegarasida vaziyat barqaror, xavotirga o‘rin yo‘q. Shu bilan birga, Afg‘oniston tomoni barcha qo‘shnilari oldidagi mas’uliyatli hukumat sifatida Afg‘oniston chegaralari ustidan nazoratni ta’minlash va kimdir tomonidan xavfsizlik buzilishiga yo‘l qo‘ymaslik majburiyatini yana bir bor tasdiqlaydi”, - deyilgan xabarda.
Eslatib o‘tamiz, avvalroq ayrim Telegram-kanallarda Termiz shahri atrofida O‘zbekiston harbiylari Afg‘oniston hududidan raketalar bilan o‘qqa tutilgani to‘g‘risidagi xabarlar tarqalgan edi. O‘zbekiston hukumati bu xabarni rad etib, mutlaqo haqiqatga to‘g‘ri kelmasligini ma’lum qilgan edi.
Siyosatshunoslar Termiz o‘qqa tutilgani aytilgan feyk haqida qanday fikrda
* Tashkilot terrorchilik harakati uchun BMT sanksiyalari osti
** Rossiya va qator mamlakatlarda taqiqlangan terrorchilik tashkiloti
Yangiliklar lentasi
0