Sport

“Velotrek” BMX sport majmuasida xalqaro musobaqalar oʻtkazilishi mumkin

© Sputnik / Ruslan Yaroshenko / Fotobankka oʻtishChempionat po BMX-fristaylu
Chempionat po BMX-fristaylu - Sputnik Oʻzbekiston, 1920, 20.04.2022
Obuna boʻlish
Yandex newsTelegram
“Velotrek” BMX sport majmuasi barcha xalqaro standartlar va meʼyorlarga javob bersa, unga xalqaro musobaqalarni oʻtkazish huquqini beruvchi rasmiy UCI sertifikati beriladi.
TOSHKENT, 20 apr — Sputnik. Jizzaxgi "Velotrek" BMX sport majmuasi trassasi va uning atrofida qurilgan kompleks bilan yaqindan tanishish maqsadida Oʻzbekistonga Xalqaro velosipedchilar ittifoqi (UCI) vakillaridan iborat delegatsiya tashrif buyurdi.
Reja boʻyicha dastlab rayderlar trassa boʻylab harakat qilib koʻrishadi va oʻz fikrlarini bildirishadi. Shundan soʻng delegatsiya aʼzolari umumiy xulosani taqdim qiladilar.
“Yakuniy qarorda sport inshooti barcha xalqaro standartlar va meʼyorlarga javob beradigan deb topilsa, ushbu arenada turli xalqaro musobaqalarni oʻtkazish huquqini beruvchi rasmiy UCI sertifikatiga ega boʻlamiz”, deyiladi xabarda.
Maʼlumot uchun, umumiy qiymati 500 ming AQSH dollari boʻlgan ushbu majmua oʻtgan yilda foydalanishga topshirilgan. U Sochidagi "Velotrek" majmuasi loyihasi asosida qurilgan.
Arena 3400 oʻringa moʻljallangan. Shuningdek, majmuada konferens va sport zallari, VIP maydon, 2 ta tennis korti, 2 ta mini-futbol uchun maydonchalar va 100 oʻrinli mehmonxona mavjud.
Dunyo boʻyicha bunday obʼyektlar soni 32 taga teng. UCI sertifikati olinsa, ushbu trassa bu yoʻnalishdagi 33 inshootga aylanadi.
Yangiliklar lentasi
0