Iqtisod

Kasanachilar soliq borasida oʻzini oʻzi band qilgan shaxslarga tenglashtirildi

© SputnikGonchar iz Samarkanda Ilxom Bobomuratov
Gonchar iz Samarkanda Ilxom Bobomuratov - Sputnik Oʻzbekiston, 1920, 22.04.2022
Obuna boʻlish
Yandex newsTelegram
Kasanachilar - uyida hunarmandchilik qiluvchi shaxslar ijtimoiy soliq toʻlovini oʻzini oʻzi band qilgan shaxslar uchun belgilangan tartibda amalga oshiradi
TOSHKENT, 22 apr - Sputnik. Olis va chekka hududlardagi mahallalarda (jami 252 ta) kasanachilikni tashkil etgan tadbirkorlarga dastlabki 3 oydagi faoliyati uchun 1 oylik oʻrtacha daromadi miqdorida bir martalik subsidiya ajratiladi. Bu prezident Shavkat Mirziyoyevning 21 aprel kuni imzolagan farmonida keltirilgan.
Qarorga muvofiq, 2022 yil 1 iyuldan kasanachilikni fuqarolik-huquqiy shartnomalar, shu jumladan pudrat shartnomasi asosida tashkil etishga ruxsat etiladi.
2022 yil 1 iyuldan 2025 yil 1 yanvargacha:
kasanachilarga daromad soligʻi kasanachilikdan olinadigan jami daromadni 50 foizga, 1 oyda koʻpi bilan 1 million soʻmgacha kamaytirgan holda hisoblanadi;
kasanachilar ijtimoiy soliq toʻlovini oʻzini oʻzi band qilgan shaxslar uchun belgilangan tartibda amalga oshiradi;
olis va chekka hududlardagi mahallalarda (jami 252 ta) kasanachilikni tashkil etgan tadbirkorlarga dastlabki 3 oydagi faoliyati uchun 1 oylik oʻrtacha daromadi miqdorida bir martalik subsidiya ajratiladi.
Tadbirkorlik faoliyatini qoʻllab-quvvatlash davlat jamgʻarmasi tomonidan kasanachilar soni kamida 10 nafar boʻlgan tadbirkorlarga kredit summasining 75 foizi miqdorigacha kafillik beriladi.
2022 yil 1 iyuldan 2025 yil 1 yanvargacha “Temir daftar”, “Ayollar daftari”, “Yoshlar daftari”ga kiritilgan yoki “Ijtimoiy himoya yagona reyestri”da boʻlgan va kasanachilik bilan shugʻullanayotgan fuqarolarga asbob-uskunalar xarid qilib berish xarajatlarining 50 foizgacha boʻlgan qismi, biroq BHMning 10 baravarigacha (2 mln 700 ming soʻmgacha) miqdorida subsidiya ajratiladi.
Shuningdek, “Yagona milliy mehnat tizimi” idoralararo dasturiy-apparat kompleksi tarkibida mavsumiy va kasanachilik ishlari portali ishga tushiriladi.
Yangiliklar lentasi
0