Jamiyat

"Oʻzgidromet" sel haqida ogohlantirdi

© Sputnik / Konstantin Mixalchevskiy / Fotobankka oʻtishPogoda dojd
Pogoda dojd - Sputnik Oʻzbekiston, 1920, 22.04.2022
Obuna boʻlish
Yandex newsTelegram
Togʻ oldi hududlarda yashovchi fuqarolardan seldan ehtiyotkorlik choralarini koʻrishni soʻrashdi.
TOSHKENT, 22 apr - Sputnik. Ushbu hafta oxiri va kelgusi hafta boshida, 24-25 aprel kunlari kutilayotgan kuchli yomgʻirlar yogʻishi sababli, respublikaning togʻ oldi va togʻli hududlarida sel-suv toshqin hodisalari yuzaga kelishi mumkin.
Xususan quyidagi hududlarda:
Qashqadaryo viloyati: Yakkabog, Dehqonobod, Chiroqchi, Kitob, Shahrisabz, Qamashi, Gʻuzar, Koson tumanlarida;
Surxondaryo viloyati: Sariosiyo, Uzun, Oltinsoy, Denov, Boysun, Sherobod, Shoʻrchi, Qumqorgʻon, Muzrobot tumanlarida;
Samarqand viloyati: Urgut, Samarqand, Bulungʻur, Nurobod, Qoʻshrabot, Kattaqoʻrgʻon, Poyariq, Jomboy, Ishtixon tumanlarida;
Navoiy viloyati: Xatirchi, Navbahor, Nurota, Konimex, Karmana tumanlarida;
Jizzax viloyati: Zomin, Baxmal, Gʻallorol, Sharof Rashidov, Forish, Yangiobod tumanlarida;
Toshkent viloyati: Ohangaron, Boʻstonliq, Parkent, Pskent, Oʻrta Chirchiq, Yuqori-Chirchiq tumanlarida va Angren, Olmaliq shaharlarida;
Namangan viloyati: Pop, Kosonsoy, Chortoq, Chust, Namangan, Yangiqurgʻon tumanlarida;
Fargʻona viloyati: Soʻx, Fargʻona, Beshariq tumanlarida;
Andijon viloyati: Andijon, Asaka, Jalalquduk, Qoʻrgʻontepa, Paxtaobod, Izbosgan, Xoʻjaobod, Marxamat tumanlarida va Xonobod shahrida.
Togʻ oldi va togʻli xududlarda istiqomat qiluvchi fuqarolarni, dam oluvchilarni hamda togʻli hududlarda harakatlanuvchi haydovchilarni ehtiyotkorlik choralarini koʻrishlarini soʻraymiz, - deyilgan xabarda.
Unga koʻra, 24 aprel kuni aksariyat hududlarda havo harorati kunduzi 20-25 darajadan yuqori boʻlmaydi. Baʼzi joylarda shamol 17-22 m/s gacha kuchayishi kuzatiladi.
25 aprel dushanba kuni ham Oʻzbekistonning markaziy va sharqiy hududlarida yomgʻir yogʻishi saqlanib turadi.
Yangiliklar lentasi
0