Dunyoda

JSST bolalarda kelib chiqishi nomaʼlum boʻlgan gepatit aniqlanganini xabar qildi

© Fotolia / VchalupNadpis "Gepatit" na siney papke
Nadpis Gepatit na siney papke - Sputnik Oʻzbekiston, 1920, 24.04.2022
Obuna boʻlish
Yandex newsTelegram
Kelib chiqishi nomaʼlum boʻlgan oʻtkir gepatit bilaneEng koʻp kasallanish Buyuk Britaniyada (114 ta) aniqlangan.
TOSHKENT, 24 apr — Sputnik. Jahon sogʻliqni saqlash tashkiloti (JSST) bolalarda kelib chiqishi nomaʼlum boʻlgan oʻtkir gepatitning 169 ta holatini qayd etdi. Bu haqda tashkilotning 23 aprel kuni eʼlon qilgan maʼlumotlarida xabar qilingan.
Kamida bir bola vafot etgan, 17 nafar bolaga jigar koʻchirib oʻtkazishga toʻgʻri kelgan. Nomaʼlum gepatit 1 oylikdan 16 yoshgacha boʻlgan bolalarda aniqlangan.
Eng koʻp kasallanish Buyuk Britaniyada (114 ta) aniqlangan. Bundan tashqari, u Ispaniya, Isroil, AQSH, Daniya, Niderlandiya, Italiya, Frantsiya va boshqa mamlakatlarda qayd etilgan.
Shu bilan birga, JSST maʼlumotlariga koʻra, bu holatlarda ilgari maʼlum boʻlgan gepatitning A, B, C, E va D turlari aniqlanmagan.
Kasallanganlarning kamida 74 nafarida adenovirus aniqlangan. Koronavirusga test topshirgan 20 nafar bemorda SARS-CoV-2, 19 nafarida bir vaqtning oʻzida SARS-CoV-2 va adenovirus aniqlangan.
Taʼkidlanishicha, tashkilot kelib chiqishi nomaʼlum boʻlgan gepatit aniqlangan davlatlarga tibbiy surishtiruv oʻtkazishda va maʼlumotlarni toʻplashda koʻmak bermoqda.
Yangiliklar lentasi
0