Onkologiya - Sputnik Oʻzbekiston, 1920, 21.01.2022
Bu qiziq
Ushbu ruknimizda ilm-fan, inson sogʻligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli maʼlumotlar bor.

Soch toʻkilishini qanday toʻxtatish mumkin

© Depositphotos / AndrewLozovyiMujchina osmatrivayet volosы
Mujchina osmatrivayet volosы - Sputnik Oʻzbekiston, 1920, 24.04.2022
Obuna boʻlish
Yandex newsTelegram
Shifokorning soʻzlariga koʻra, avvalo, sogʻlom turmush tarziga rioya qilish va toʻgʻri ovqatlanish zarur.
Respublika ixtisoslashtirilgan dermatologiya va kosmetologiya ilmiy-amaliy tibbiyot markazi direktori oʻrinbosari Ilhom Rahimov soch toʻkilishining oldini olish uchun nima qilish kerakligini aytdi.
Shifokorning soʻzlariga koʻra, buning uchun, avvalo, sogʻlom turmush tarziga rioya qilish va toʻgʻri ovqatlanish zarur. Sochlarning toʻkilish muammosini maxsus shampun, vitamin-mineralli komplekslar va shu kabi qoʻshimcha vositalar yordamida hal qilish ijobiy samara berishini unutmaslik zarur.
Chunki soch parvarishiga taalluqli baʼzi vositalar tarkibida foydali va parvarishlovchi komponentlar mavjud va ular sochlarga ijobiy taʼsir koʻrsatadi. Zarur boʻlgan moddalar yetishmovchiligini toʻldirib, follikulalarning oziqlanishini yaxshilaydi.
Soch parvarishida quyidagilarga amal qilish lozim:
sochni yuvayotganda suv harorati 35-45 daraja iliq boʻlishi kerak. Soch qanchalik yogʻli boʻlsa, suv harorati nisbatan pastroq boʻlishi zarur;
shampunni soch turiga qarab tanlash maqsadga muvofiq;
soch tarashga eʼtibor berish zarur. Kalta sochlar ildizidan, uzun sochlar pastki qismidan boshlab taraladi;
soch quritkichini tez-tez qoʻllash tavsiya etilmaydi. Uni boshdan 40 santimetr uzoqlikda ushlab — “sovuq quritish” lozim.
Rahimov sochni sovun bilan yuvish mumkin emasligini eslatgan. Chunki sovun toladagi suv-lipid qavatini yoʻqotadi va zararlaydi.
Yangiliklar lentasi
0