Jamiyat

Dehqonobodda qoʻngʻir ayiqlar uyasidan chiqdi - foto

Obuna boʻlish
Yandex newsTelegram
Mahalliy aholi qoʻngʻir ayiq va uning 2 ta bolasini suratga oldi.
TOSHKENT, 25 apr — Sputnik. Qashqadaryo viloyati Dehqonobod tumanining togʻli hududida "Qizil kitob"ga kiritilgan qoʻngʻir ayiq borligi maʼlum boʻldi. Bu haqda viloyat Ekologiya boshqarmasi xabar bermoqda.
© Foto: Qashqadaryo viloyati Ekologiya boshqarmasi
Dehqonoboddagi qoʻngʻir ayiqlar - Sputnik Oʻzbekiston
1/2
© Foto: Qashqadaryo viloyati Ekologiya boshqarmasi
Dehqonoboddagi qoʻngʻir ayiqlar - Sputnik Oʻzbekiston
2/2
Maʼlum qilinishicha, tumanning "Terakli" MFY hududida ayiq va uning 2 ta bolasini mahalliy aholi suratga olgan.
Maʼlumot uchun, qoʻngʻir ayiqni asosan Hisor, Chotqol, Zomin qoʻriqxonalarida uchratish mumkin. Ular mart-oktyabrda koʻpincha ertalab va kechki paytlari faol, uyalariga berkinadi va oʻsha yerda qishlaydi.
Bolalari mart-aprelda uyasidan chiqadi. Ular mevalar, ildizlar, baʼzan sutemizuvchilar, hasharotlar, oʻlaksalar bilan oziqlanadi.
Ayiqlar 30 yilgacha yashaydi. Asosan brakonyerlar tomonidan ovlanishi oqibatida soni keskin kamayib ketmoqda. Ularni ovlash taqiqlangan. Togʻ qoʻriqxonalari va milliy bogʻlarda muhofaza ostiga olingan.
Yangiliklar lentasi
0