Iqtisod

Elektomobillar importi 5,4 baravarga oshdi

© Sputnik / Maksim Blinov / Fotobankka oʻtishElektromobil "Kama-1"
Elektromobil Kama-1 - Sputnik Oʻzbekiston, 1920, 25.04.2022
Obuna boʻlish
Yandex newsTelegram
Yanvar-mart oylarida xorijdan qiymati 13,5 mln dollarga teng boʻlgan 455 ta elektromobil xarid qilingan.
TOSHKENT, 25 apr — Sputnik. 2022 yilning yanvar-mart oylarida Oʻzbekistonga qiymati 13,5 mln dollarga teng boʻlgan 455 ta elektromobil olib kelingan. Bundan Davlat statistika qoʻmitasi maʼlumotlari darak bermoqda.
Elektromobil importi 2021 yilning mos davriga nisbatan 370 taga yoki 5,4 baravarga oshgan.
Uch oy ichda import qilingan elektromobillarning deyarli barchasi Xitoy hissasiga toʻgʻri keladi – 426 ta. Germaniyadan 13 ta, Gonkongdan 7 ta, BAAdan 3 ta, Estoniyadan 2 ta va AQSH va Kanadadan 1 tadan olib kelingan.
2021 yilda Oʻzbekistonga qiymati 16,9 mln dollarga teng boʻlgan jami 809 ta elektromobil import qilingan edi. Ular ham asosan Xitoydan keltirilgan – 724 ta.
Eslatib oʻtamiz, Oʻzbekistonda elektromobillar importiga boʻlgan talabni ragʻbatlantirish maqsadida imtiyozlar berilgan. Xususan, elektromobillarni olib kirishda aktsiz soligʻi va bojxona toʻlovlari olinmaydi.
Yangiliklar lentasi
0