Iqtisod

Fargʻonadan Sverdlovskka meva-sabzavot eksporti hajmi oshiriladi

© press-slujba xokimiyata Ferganskoy oblastiVizit delegatsii Sverdlovskoy oblasti v Ferganu
Vizit delegatsii Sverdlovskoy oblasti v Ferganu - Sputnik Oʻzbekiston, 1920, 25.04.2022
Obuna boʻlish
Yandex newsTelegram
Fargʻonada Sverdlovsk viloyati delegatsiyasi bilan uchrashuv boʻlib oʻtdi.
TOSHKENT, 25 apr — Sputnik. Fargʻonadan Rossiyaning Sverdlovsk viloyatiga meva-sabzavot mahsulotlari eksporti hajmi oshadi, qishloq xoʻjaligining boshqa sohalarida ham hamkorlik yoʻlga qoʻyiladi. Bu haqda viloyat hokimligi matbuot xizmati Sputnik muxbiriga maʼlum qildi.
Viloyat hokimining oʻrinbosari Alibek Tursunov Sverdlovsk viloyati agrosanoat majmui va isteʼmol bozori vaziri Artyom Baxterev bilan meva-sabzavot mahsulotlari eksporti hajmini oshirish hamda turini koʻpaytirish masalalarini muhokama qilgan.
“Shuningdek, meva-sabzavot mahsulotlarini “Yashil yoʻlak” tizimi orqali soddalashtirilgan tartibda eksport qilish masalalari, bu tartibni yanada takomillashtirish imkoniyatlari koʻrib chiqildi”, - deyilgan xabarda.
Baxterev, ikki viloyat oʻzaro savdo hajmini yanada oshirish maqsadida Sverdlovsk viloyatidan Fargʻonaga uzoq muddat saqlanuvchi sut mahsulotlari, sabzavot ekin urugʻlari, oʻsimlik yogʻi, parrandachilik mahsulotlari, shuningdek zotli hayvon urugʻlari yetkazib berish imkoniyatlari haqida maʼlumot bergan.
Tomonlar shuningdek, veterinariya sohasida hamkorlik qilishga ham kelishib olishgan.
Rossiyalik mehmonlar tashrif dasturi doirasida viloyatdagi yirik meva-sabzavot klasterlari va qishloq xoʻjaligi mahsulotlarini qayta ishlash korxonalarida, muzlatgichli meva-sabzavot saqlash omborlarida boʻlishadi, sohada amalga oshirilgan yangi loyihalar bilan tanishadilar.
Yangiliklar lentasi
0