Jamiyat

Rossiya va Oʻzbekiston musulmonlar idoralari migrantlarga moslashishda yordam berishadi

© Sputnik / Maksim Blinov / Fotobankka oʻtishPrazdnik Uraza-bayram v Rossii
Prazdnik Uraza-bayram v Rossii - Sputnik Oʻzbekiston, 1920, 25.04.2022
Obuna boʻlish
Yandex newsTelegram
Oʻzbekiston delegatsiyasi vakillari Moskva shahriga tashrif buyurdi va qator uchrashuvlar oʻtkazdi.
TOSHKENT, 25 apr — Sputnik. Elvira Sulaymankulova. Oʻzbekiston delegatsiyasi Moskvaga tashrifi davomida Rossiya musulmonlari idorasi raisi muftiy shayx Ravil Gaynutdinov va boshqa diniy ulamolar bilan uchrashuv oʻtkazdi.
Rossiya Muftiylar kengashi raisining birinchi oʻrinbosari Rushan Abbyasov Sputnik muxbiriga uchrashuv yakunlari haqida maʼlumot berdi.
Delegatsiyaga Oʻzbekiston bosh vazirining maslahatchisi Mehriddin Xayriddinov boshchilik qilgan. Delegatsiya tarkibidan Oʻzbekiston musulmonlari idorasi raisi oʻrinbosari Ibrohim Inomov hamda mamlakatning Moskvadagi elchixonasi va mehnat migrantlari huquqlarini himoya qilish boʻyicha hukumat departamenti vakillari oʻrin olishgan.
“Muhokamaning asosiy mavzusi – bu bizning sherikchiligimiz, mamlakatlarimiz oʻrtasidagi oʻzaro qardosh hamkorlik, - dedi Abbyasov. – Xalqlarimizni bogʻlab turuvchi umumiy rishtalar bisyor – Sovet Ittifoqi doirasidagi tariximiz, Oʻzbekistonda boʻlgan olamga mashhur islomiy diqqatga sazovor joylar. Oʻzbekiston tomoni hozir ziyorat turizmini faol rivojlantirmoqda, yaʼni muqaddas islom joylariga tashrif buyurish”.
Rossiya va Oʻzbekiston tomoni bu yil “Maʼnaviy ipak yoʻli” V xalqaro ilmiy-diniy konferentsiyasini oʻtkazishni rejalashtirayotganini ham tasdiqladi. Konferantsiya 2020 yilda Toshkentda boʻlib oʻtishi kerak edi, biroq koronavirus pandemiyasi sabab ortga surilgandi.
Oʻzbekistonlik migrantlarga Rossiya shart-sharoitlarida moslashishiga koʻmaklashish muhokama qilingan asosiy mavzulardan biri boʻlgan. Rossiya musulmonlari idorasining Qirgʻiziston bilan hamkorlikdagi bunday tajribasi bor. Endi orttirilgan tajribalardan foydalanish Oʻzbekiston tomoniga ham taklif qilindi.
“Bu kelishuvlar oʻzining ilk samarasini berdi. Oʻzbekiston vakillari Moskvadagi jome masjidida migrantlar bilan uchrashishdi. Bunga qadar ular Tula va boshqa mintaqalarga borib, u yerda ham bunday uchrashuvlar oʻtkazishdi. Biz bu yoʻnalishda tizimli ishlashga kelishib oldik”, - dedi muftiy.
Bundan tashqari, Rossiya musulmonlari idorasi raisi Oʻzbekiston prezidenti Shavkat Mirziyoyevga bu yil rejalashtirilgan Rossiyaga tashrif davomida Moskva jome masjidiga tashrif buyurish taklifnomasini berib yuborgan.
Yangiliklar lentasi
0