Siyosat

Shavkat Mirziyoyevning Qirgʻizistonga tashrif sanasi aytildi

 - Sputnik Oʻzbekiston, 1920, 25.04.2022
Obuna boʻlish
Yandex newsTelegram
May oxirida YEOIIga aʼzo davlatlar rahbarlari Qirgʻizistonga sammitda ishtirok etish uchun kelishadi.
TOSHKENT, 25 apr — Sputnik. Oʻzbekiston prezidenti Shavkat Mirziyoyev 26 may kuni Qirgʻizistonga tashrif buyuradi. Bu haqda Qirgʻiziston prezidenti Sadir Japarov maʼlum qildi.
Japarovning soʻzlariga koʻra, 27 may kuni Yevroosiyo iqtisodiy ittifoqiga (YEOII) aʼzo davlatlar rahbarlari Qirgʻizistondagi sammitda ishtirok etish uchun kelishadi.

“Qozogʻiston prezidenti Qasim-Jomart Toqayev 26 may kuni Qirgʻizistonga tashrif buyuradi. Shu kunning ikkinchi yarmida Oʻzbekiston prezidenti Shavkat Mirziyoyev tashrif buyuradi. 27 may kuni YEOIIga aʼzo barcha davlatlar prezidentlari kelishadi”, - dedi Qirgʻiziston rahbari "Kabar" nashriga bergan intervyusida.

Avvalroq Shavkat Mirziyoyev may oyida Qirgʻizistonga javob tashrifini amalga oshirishi maʼlum boʻlgan edi.
YEOII davlat rahbarlarining navbatdagi kengashi Issiqkoʻlda boʻlib oʻtishi kutilmoqda. Sammit doirasida “katta iqtisodiy forum” oʻtkaziladi.
Oʻzbekiston 2020 yil dekabr oyida YEOIIda kuzatuvchi davlat maqomini olgan edi. Ittifoq 2014 yilda Rossiya, Belarus va Qozogʻiston oʻrtasida tuzilgan shartnoma asosida tashkil etilgan xalqaro tashkilotdir. Bu ittifoqqa 2015 yilda Armaniston va Qirgʻiziston aʼzo boʻlgan, Moldova va Kuba kuzatuvchi maqomiga ega.
YEOIIning maqsadi — aʼzo davlatlar aholisining turmush darajasini yuksaltirish borasida barqaror rivojlanish uchun sharoitlar yaratish, tovarlar, xizmatlar, kapital va ish resurslarining yagona bozorini shakllantirishga harakat qilish, global iqtisodiyot sharoitida milliy iqtisodiyotlarning raqobatbardoshligini oshirish, har tomonlama modernizatsiyalash va oʻzaro kooperatsiyani rivojlantirishdan iborat.
Yangiliklar lentasi
0