Iqtisod

Umurzakov INNOPROM ishchirokchilarini Toshkentdan aniq natijalarsiz ketmaslikka chaqirdi

© SputnikGlavnaya plenarnaya sessiya Tsentralnaya Aziya: prostranstvo texnologicheskogo prorыva
Glavnaya plenarnaya sessiya Tsentralnaya Aziya: prostranstvo texnologicheskogo prorыva - Sputnik Oʻzbekiston, 1920, 25.04.2022
Obuna boʻlish
Yandex newsTelegram
Umurzakov: INNOPROM koʻrgazmasini oʻtkazishdan maqsad aniq amaliy qarorlar va loyihalarni amalga oshirishdan iborat.
TOSHKENT, 25 apr — Sputnik. Oʻzbekiston bosh vaziri oʻrinbosari - investitsiyalar va tashqi savdo vaziri Sardor Umurzakov "INNOPROM. Markaziy Osiyo" ikkinchi xalqaro sanoat koʻrgazmasi ishtirokchilarini Toshkentdan aniq natijalarsiz ketmaslikka chaqirdi, deb xabar qilmoqda Sputnik muxbiri.
Uning soʻzlariga koʻra, INNOPROM koʻrgazmasini oʻtkazishdan maqsad qogʻozlarda kelishuvlarga erishish emas, balki aniq amaliy qarorlar va loyihalarni amalga oshirishdan iborat.

“Bugun INNOPROMda Oʻzbekistonning deyarli barcha mintaqalari rahbarlari yoki rahbar oʻrinbosarlari qatnashishmoqda. Barcha qarorlar bevosita ularga bogʻliq", - dedi Umurzakov.

Bosh vazir oʻrinbosari koorporatsiya va hamkorlik Markaziy Osiyo mintaqasining barcha mamlakatlari iqtisodiyoti rivojlanishi uchun oʻta muhimligini qoʻshimcha qildi.
Toshkentda 25-27 aprel kunlari “INNOPROM. Markaziy Osiyo” xalqaro sanoat koʻrgazmasi boʻlib oʻtadi. U Rossiyaning Sanoat va savdo vazirligi hamda Oʻzbekistonning Investitsiyalar va savdo vazirliklari tomonidan tashkil qilingan.
Koʻrgazma va ishbilarmonlik dasturida Oʻzbekiston, Rossiya, Belarus, Vengriya, Frantsiya, Tojikiston, Armaniston, Qozogʻiston, Qirgʻizistondan yuzlab ishlab chiqarish korxonalari va biznes delegatsiyalari ishtirok etadi.
“INNOPROM. Markaziy Osiyo” xalqaro koʻrgazmasi Rossiya-Oʻzbekiston hamkorligi va ikki tomonlama savdoni mustahkamlash va kengaytirish, Rossiyaning yuqori texnologiyali mahsulotlarini Markaziy Osiyo mamlakatlari bozoriga eksport qilishda muhim rol oʻynaydi.
Eslatib oʻtamiz, 2021 yil 5-7 aprel kunlari tashkil etilgan “Innoprom. Oʻzbekistonda yirik sanoat haftaligi” birinchi xalqaro koʻrgazmasida Markaziy Osiyoning barcha davlatlaridan 10 mingdan ortiq vakil qatnashgan edi. Koʻrgazma doirasida Rossiya sarmoyasi ishtirokidagi 2,2 milliard dollar miqdoridagi 33 ta loyihani amalga oshirishni boshlash boʻyicha kelishuvlarga erishilgan.
Yangiliklar lentasi
0