Siyosat

Mirziyoyev Rossiya sanoat va savdo vazirini qabul qildi

© Press-slujba prezidenta UzbekistanaPrezident Uzbekistana Shavkat Mirziyoyev prinyal ministra promыshlennosti i torgovli RF Denisa Manturova.
Prezident Uzbekistana Shavkat Mirziyoyev prinyal ministra promыshlennosti i torgovli RF Denisa Manturova. - Sputnik Oʻzbekiston, 1920, 26.04.2022
Obuna boʻlish
Yandex newsTelegram
Uchrashuvda Oʻzbekiston-Rossiya amaliy hamkorligini yanada kengaytirish masalalari koʻrib chiqildi.
TOSHKENT, 26apr — Sputnik. Oʻzbekiston prezidenti Shavkat Mirziyoyev Rossiya sanoat va savdo vaziri Denis Manturovni qabul qildi. Bu haqda davlat rahbari matbuot xizmati xabar bermoqda.
Uchrashuvda oliy darajadagi kelishuvlarni amalga oshirish doirasida Oʻzbekiston-Rossiya amaliy hamkorligini yanada kengaytirish masalalari koʻrib chiqildi.
“Oʻzaro tovar ayirboshlash hajmini oshirish, investitsiya dasturlarini amalga oshirish va yangi mahalliylashtirish loyihalarini ilgari surish, ikki mamlakat hududlari kooperatsiyasi uchrashuvning asosiy mavzusi boʻldi”, - deyilgan xabarda.
Taʼkidlanishicha, tomonlar mashinasozlik, metallurgiya, qishloq xoʻjaligi, yengil sanoat, kimyo va farmatsevtika tarmoqlarida qoʻshma loyihalarni amalga oshirishga alohida eʼtibor qaratishgan.
Shu munosabat bilan shu kunlarda Toshkent shahrida oʻtayotgan sanoat koʻrgazmasi doirasidagi ishbilarmonlik tadbirlarining samarali natijalari mamnuniyat bilan qayd etildi.
Eslatib oʻtamiz, Rossiya delegatsiyasi “INNOPROM. Markaziy Osiyo” xalqaro sanoat koʻrgazmasida ishtirok etish uchun Toshkentda boʻlib turibdi.
Oʻtgan yil yakuni boʻyicha Oʻzbekiston va Rossiya oʻrtasidagi tovar ayirboshlash uchdan birga ortib, rekord daraja – 7,5 milliard dollarga yetgan. Joriy yilning birinchi oylarida savdo koʻrsatkichlari 50 foizdan ziyodga oshgan.
Bugungi kunda Oʻzbekistonda Rossiya ishtirokida tashkil etilgan 2 mingdan ortiq qoʻshma korxona muvaffaqiyatli faoliyat yuritmoqda, Rossiyadan mamlakat iqtisodiyotiga jalb qilingan investitsiyalar hajmi 10 milliard dollardan ziyodni tashkil etmoqda.
Yangiliklar lentasi
0