Jamiyat

Oʻzbekiston va Rossiya seysmologiya sohasida hamkorlik qiladi

© Foto: Akademiya nauk RUzV Institut seysmologii imeni G.A.Mavlyanova Akademii nauk RUz pribыla delegatsiya uchenыx iz rossiyskogo Geofizicheskogo tsentra
V Institut seysmologii imeni G.A.Mavlyanova Akademii nauk RUz pribыla delegatsiya uchenыx iz rossiyskogo Geofizicheskogo tsentra - Sputnik Oʻzbekiston, 1920, 26.04.2022
Obuna boʻlish
Yandex newsTelegram
Rossiya Geofizika markazi vakillari ishtirokida Oʻzbekistonda zamonaviy magnitometr uskunalari oʻrnatiladigan pavilonlar tanlandi.
TOSHKENT, 26 aprel — Sputnik. Fanlar akademiyasi Seysmologiya institutiga Rossiya Fanlar akademiyasi Geofizika markazi vakillaridan iborat delegatsiya tashrif buyurdi. Bu haqda Fanlar akademiyasi xabar bermoqda.
Ushbu tashrif 2019 yilda ilmiy-texnik hamkorlik toʻgʻrisidagi ikki tomonlama imzolangan kelishuv asosida amalga oshirildi.
Tashrif davomida delegatsiya aʼzolari ishtirokida elektromagnetizm sohasiga oid ilmiy seminar tashkil etildi. Shuningdek, “Yangibozor” magnit-ionosfera observatoriyasi koʻzdan kechirildi.
“Delegatsiya aʼzolari bilan birgalikda “Yangibozor” magnit-ionosfera observatoriyasida doimiy kuzatuv ishlarini olib borish maqsadida zamonaviy magnitometrlar oʻrnatiladigan joylar dala kuzatuv ishlari asosida tekshiruvdan oʻtkazildi”, - deyiladi xabarda.
Mutaxassislar ishtirokida uskunalar oʻrnatilishi mumkin boʻlgan pavilonlar tanlandi. Taʼkidlanishicha ushbu yoʻnalishda kelgusida amalga oshiriladigan ishlar rejasi tuzib olindi.
Shu bilan birga, hamkorlik toʻgʻrisidagi ikki tomonlama kelishuvga binoan kelgusida institut va markaz oʻrtasida ilmiy tadqiqot ishlari amalga oshiriladi.
Maʼlumot uchun, Seysmologiya instituti Qirgʻiziston, Qozogʻiston, Tojikiston, Xitoy, Turkiya, AQSH davlatlari, shuningdek, Rossiya Fanlar akademiyasining Bishkekdagi ilmiy stantsiyasi va O.YU.Shmidt nomidagi Yer fizikasi instituti bilan hamkorlikni yoʻlga qoʻygan.
Yangiliklar lentasi
0